Tamil Nadu Assembly polls: तमिळनाडू विधानसभा निवडणुकीसाठी सत्ताधारी द्रमुक (DMK) पक्षाने जागावाटप जाहीर केले असून पक्ष 234 पैकी 164 जागांवर निवडणूक लढवणार आहे. उर्वरित 70 जागा मित्रपक्षांना देण्यात आल्या आहेत. मुख्यमंत्री एम. के. स्टॅलिन (M. K. Stalin) यांनी शनिवारी ही घोषणा करत उमेदवारांची यादी जाहीर केली. स्टॅलिन यांनी सांगितले की, मित्रपक्षांशी संयमाने चर्चा करून हे जागावाटप निश्चित करण्यात आले आहे. काँग्रेसला सर्वाधिक जागा – या आघाडीत इंडियन नॅशनल काँग्रेस (Indian National Congress) हा प्रमुख मित्रपक्ष असून त्याला 28 जागा देण्यात आल्या आहेत. तर देसिया मुरपोक्कु द्रविड कळघम (Desiya Murpokku Dravida Kazhagam – DMDK) – 10 जागा विदुथलाई चिरुथैगल काची (Viduthalai Chiruthaigal Katchi – VCK) – 8 जागा भारतीय कम्युनिस्ट पक्ष (Communist Party of India- CPI) – 5 जागा भारतीय कम्युनिस्ट पक्ष (मार्क्सवादी) (Communist Party of India (Marxist) – CPI(M)) – 5 जागा मरुमलार्ची द्रविड मुनेत्र कळघम ( Marumalarchi Dravida Munnetra Kazhagam – MDMK) – 4 जागा प्रमुख नेत्यांचे मतदारसंघ – एम. के. स्टॅलिन (M. K. Stalin) कोलाथूरमधून निवडणूक लढवणार आहेत, तर उपमुख्यमंत्री उधयनिधी स्टॅलिन (Udhayanidhi Stalin ) चेपॉक–तिरुवल्लिकेणी येथून उमेदवार आहेत. वरिष्ठ नेते टी. आर. बालू (T. R. Baalu ) यांनी यापूर्वी जागावाटपाबाबत माहिती दिली होती. काँग्रेसच्या महत्त्वाच्या जागा – वेलाचेरी, इरोड ईस्ट, श्रीपेरंबुदूर, कडलूर, मयिलादुथुराई, शिवकाशी, कृष्णगिरी तसेच कन्याकुमारी भागातील विलावनकोड आणि किल्लीयूर या जागांवर काँग्रेस लढणार आहे. उधगमंडलम (ऊटी) येथे काँग्रेस आणि भाजपमध्ये थेट लढत अपेक्षित आहे. NDAची आघाडी – विरोधी राष्ट्रीय लोकशाही आघाडी (National Democratic Alliance – NDA) अंतर्गत AIADMK ( All India Anna Dravida Munnetra Kazhagam ) 169 जागांवर, तर भाजप (BJP) 27 जागांवर लढणार आहे. Pattali Makkal Katchi (PMK)ला 18 आणि Amma Makkal Munnetra Kazagam (AMMK)ला 11 जागा देण्यात आल्या आहेत. AIADMK नेते एडप्पडी के. पलानीस्वामी (Edappadi K. Palaniswami) यांनी हा करार अंतिम असल्याचे सांगितले. मतदान व निकाल – 234 सदस्यीय तमिळनाडू विधानसभेसाठी 23 एप्रिल रोजी मतदान होणार आहे. शेजारच्या पुदुच्चेरी ( Puducherry ) येथे 9 एप्रिल रोजी मतदान होईल. दोन्हींचे निकाल 4 मे रोजी जाहीर होतील. दरम्यान, द्रमुक (DMK) 29 मार्च रोजी आपला जाहीरनामा प्रसिद्ध करणार आहे.