काठमांडू – नेपाळमधील कलंकी कोटेश्‍वर रस्ता तोडायला नेपाळ सरकारने सुरुवात केली आहे. या रस्त्याचे बांधकमा चीनच्या वित्तीय कंपनीने उपलब्ध करून दिलेल्या अर्थसहाय्यातून करण्यात आले होते. रस्ता बांधून पूर्ण झाल्यानंतर या रस्त्याचे बांधकाम सदोष असल्याचे निष्पन्न झाले होते.
रस्त्याच्या खांबांना तडे गेल्याचे आढळून आले. त्यामुळे या रर्स्त्याचे बांधकाम तोडून नव्याने बांधण्यात येणार आहे. कलंकी-बल्खू विभागातील रस्त्याचे पाडण्याचे काम बेसमेंट फेल्युअर नंतर सुरू झाले आहे, असे सार्वजनिक बांधकाम विभागाने प्रसिद्ध केलेल्या निवेदनामध्ये म्हटले आहे.
चीन सरकारने याआधीच आवश्‍यक निधी उपलब्ध करून दिल्याने आता जागतिक बॅंकेच्या पाठिंब्याने रस्त्याच्या बांधकामाची आर्थिक जबाबदारी नेपाळ सरकार उचलणार आहे. या सहाय्याने खासीबाजार ते बलखू हा सुमारे एक किलोमीटरचा रस्ता तयार करण्याचे उद्दिष्ट या प्रकल्पाचे आहे. नेपाळ सरकार आणि चीनची शांघाय कन्स्ट्रक्‍शन ग्रुप कंपनी लिमिटेड यांच्यात 18 डिसेंबर 2012 रोजी रस्ता बांधकाम करारावर स्वाक्षरी झाली होती.
