टोकीयो – घराचा ताबा मिळवण्यासाठी एक धक्कादायक प्रकार केल्याची जपानमधील घटना समोर आली. त्यामुळे मोठी खळबळ उडाली होती. एका महिलेनं आपल्या आईचा मृतदेह तब्बल 10 वर्ष जपून ठेवला आहे.
जेव्हा या घटनेची कुणकुण आजूबाजूच्या नागरिकांना लागली तेव्हा त्यांनी घरात घुसून हा संपूर्ण प्रकार उघडकीस आणला. या प्रकरणी महिलेची विचारपूस केल्यानंतर आश्चर्यकारक कारण समोर आलं.
जपानमधील स्थानिक मीडियानं दिलेल्या वृत्तानुसार या महिलेनं आपल्या आईचा मृतदेह फ्रीजमध्ये 10 वर्षांपासून लपवून ठेवला होता. योशिनो असं या महिलेचं नाव आहे. या महिलेला कोणी घरातून बाहेर काढू नये म्हणून तिने हा प्रकार केल्याची माहिती मिळाली आहे.
जेव्हा या महिलेच्या आईचा मृत्यू झाला. त्यानंतर या घरावर ताबा मिळवण्यासाठी नगर निगमची टीम घटनास्थळी दाखल झाली. जानेवारी महिन्यात त्यांनी या महिलेला घर रिकामं करण्यासाठी सातत्यानं तगादा लावून धरला.
तर एका क्लिनरने ही शवपेटी शोधून काढली आणि हा सगळा भयंकर प्रकार समोर आला आहे. ही धक्कादायक घटना जपानमध्ये घडली आहे.