पिंपरी – मिरवणुकीत नाचण्याच्या बहाण्याने बोलावून जुन्या भांडणाचा राग काढत तरुणावर वस्तऱ्याने वार करण्यात आले. हा प्रकार पिंपरी येथे रविवारी (दि.14) घडला.
अनिकेत बापू सरोदे (वय-23 रा.पिंपरी) यांनी फिर्याद दिली असून सचिन सुर्वे (वय-30 रा. पिंपरी) याच्या विरोधात मारहाण व दुखापतीचा गुन्हा दाखल करण्यात आला आहे. पोलिसांनी दिलेल्या माहितीनुसार, रविवारी डॉ. बाबासाहेब आंबेडकर यांच्या जयंतीनिमित्त निघालेल्या मिरवणुकीत अनिकेत याला सचिनने नाचण्यासाठी म्हणून बोलावले.
मात्र त्यांच्यातील जुन्या भांडणाचे कारण काढत त्याच्या मानेवर वस्तऱ्याने वार केले व लाथाबुक्‍यांनी मारहाण करुन त्याला जखमी केले. या भांडणात फिर्यादी यांचा फोनही गहाळ झाला. यावरून पिंपरी पोलीस ठाण्यात गुन्हा दाखल करण्यात आला आहे.
