मुंबई – राज्यात पुन्हा एकदा करोनाबाधितांच्या दैनंदिन रुग्णसंख्येत झपाट्याने वाढत होत आहे. आरोग्य विभागाने दिलेल्या माहितीनुसार, राज्यात रविवारी 1 हजार 494 नवीन करोनाबाधित रुग्णांची नोंद झाली आहे. तर दिवसभरात 614 रुग्णांनी करोनावर यशस्वीपणे मात केली आहे. यामुळे राज्यात आजपर्यंत एकूण 77,38,564 करोनाबाधित रुग्ण बरे होऊन घरी परतले आहेत.
राज्यात सध्या सहा हजार 767 सक्रिय रुग्ण आहेत. यामध्ये सर्वाधिक रुग्ण मुंबईतील आहेत. मुंबईतील सक्रिय रुग्णांची संख्या 4880 इतकी आहे. तर ठाणे 960, पालघर 100, रायगड 167 सक्रीय रुग्ण आढळले आहेत. नंदूरबार, धुळे, जालना आणि गोंदिया या ठिकाणी एकही सक्रिय रुग्ण नाही.
राज्यात आज एक हजार 494 नवीन करोना रुग्ण आढळले आहेत. यामध्ये सर्वाधिक प्रमाण मुंबईतील आहे. जवळपास 60 टक्केंपेक्षा जास्त रुग्ण मुंबईत आहे. रविवारी मुंबई 961 सक्रीय रुग्ण आढळले आहेत. तर एका रुग्णाचा मृत्यू झाला.
मुंबईनंतर ठाणे मनपा 108, नवी मुंबई मनपा 99 रुग्ण आढळले आहेत. तर कोल्हापूर मनपा, सांगली, सिंधुदुर्ग, रत्नागिरी, अहमदनगर, अहमदनगर मनपा, धुळे जिल्हा, नंदूरबार, जालना, परभणी जिल्हा, लातूर जिल्हा, उस्मानाबाद, नांदेड जिल्हा, अकोला जिल्हा, अमरावती जिल्हा, यवतमाळ, वर्धा, भंडारा, गोंदिया, चंद्रपूर जिल्हा आणि गडचिरोलीमध्ये एकही रुग्ण आढळला नाही.
दैनंदिन रुग्णसंख्या –
-एक जून – 1081
-दोन जून – 1045
-तीन जून – 1134
-चार जून – 1357
-पाच जून – 1494