![\"\"](\"https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/05/Cockroach-Janata-Party-2.jpg\")
Cockroach Janata Party: कॉक्रोच जनता पार्टीचा मोर्चा पुण्यात धडकणार; अभिजित दिपकेची मराठीत पोस्ट
Cockroach Janata Party: आंदोलन गुरुवार ११ जून रोजी पुण्यातील सावित्रीबाई फुले विद्यापीठामध्ये संध्याकाळी ४ वाजता आयोजित करण्यात आलं
Cockroach Janata Party: नीट आणि सीबीएसई परीक्षांमधील कथित गोंधळाच्या पार्श्वभूमीवर केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी कॉक्रोच जनता पार्टीने केली आहे. अलिकडेच 6 जून रोजी दिल्लीतील जंतर मंतर येथे या पार्टीचे संस्थापक अभिजित दिपके यांच्यासह समर्थकांकडून आंदोलन करण्यात आले.
शनिवारी सकाळी अभिजित दिपके अमेरिकेतून भारतात परतल्यानंतर थेट विमानतळावरून आंदोलनस्थळी पोहोचले होते. दिल्लीतील या पहिल्या आंदोलनानंतर पक्षाचे पुढील आंदोलन पुण्यात होणार असल्याची घोषणा करण्यात आली आहे.
दिल्लीतील आंदोलनानंतर सीजेपीने प्रधान यांच्या राजीनाम्यासाठी ७ दिवसांची मुदत दिली. ती मागणी पूर्ण होईपर्यंत आंदोलन चालूच ठेवण्याचा आणि आंदोलनाची व्याप्ती देशभर वाढवण्याचा इशारा सीजेपीने दिला. आंदोलनादरम्यान बोलताना दीपके यांनी देशभर विविध ठिकाणी आंदोलन करणार असल्याचा इशाराही दिला होता.
त्यानुसार आता दुसरे आंदोलन पुण्यात आयोजित करण्यात आले आहे कॉक्रोज जनता पार्टीच्यावतीने हे आंदोलन गुरुवार ११ जून रोजी पुण्यातील सावित्रीबाई फुले विद्यापीठामध्ये संध्याकाळी ४ वाजता आयोजित करण्यात आलं आहे.
भेटूया पुण्यात! जय महाराष्ट्र! https://t.co/3L3IUarDUF
— Abhijeet Dipke (@abhijeet_dipke) June 8, 2026
भेटूया पुण्यात, जय महाराष्ट्र
तसेच हे आंदोलन शांततापूर्ण मार्गाने होणार आहे, असेही कॉक्रोज जनता पार्टीच्यावतीने सांगण्यात आले आहे. या आंदोलनासंदर्भात अभिजित दिपके यांनी सोशल मीडियावर खास मराठीत पोस्ट शेअर करत माहिती दिली आहे. भेटूया पुण्यात, जय महाराष्ट्र असं अभिजित दिपके यांनी म्हटलं आहे. दरम्यान, या आंदोलनातूनही केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करण्यात येणार आहे.
Cockroach Janata Party
परवानगीबद्दल खुलासा नाही
दिल्लीतील आंदोलनासाठी स्थानिक पोलिसांनी काही तास आधी परवानगी दिली होती. मात्र पुण्यातील प्रस्तावित आंदोलनासाठी पोलिसांची परवानगी मिळाली आहे की नाही, याबाबत अद्याप अधिकृत माहिती समोर आलेली नाही. दुसरीकडे दिल्लीतील आंदोलनाला अपेक्षित गर्दी झाली नसल्याचा आरोप काही जणांकडून करण्यात आला. आता पुण्यातील आंदोलनाला किती प्रतिसाद मिळणार याकडे अनेकांचे लक्ष लागले आहे.
हेही वाचा:
