चीनमध्ये आता ब्यूबॉनिक प्लेगचा धोका ;आरोग्य यंत्रणेकडून हाय अलर्ट जारी

बीजिंग : जगात करोनाबाधितांचा आकडा झपाट्याने वाढत असतानाच चीनमधून एक धक्कादायक बातमी समोर आली आहे. उत्तर चीनमधील एका शहरामध्ये रविवारी ब्यूबॉनिक प्लेगचे दोन नवीन संशयित रुग्ण आढळून आले आहेत. यानंतर शहरामधील आरोग्य यंत्रणेने हाय अलर्ट जारी केला आहे. चिनी प्रसारमाध्यमांनी सध्या तरी या आजाराचे दोन रुग्ण आढळून आल्याचे त्यांच्या वृत्तात म्हटले आहे. मात्र प्राण्यांमधून मानवामध्ये या आजाराचा सहज संसर्ग होऊ शकतो. त्यामुळेच भविष्यात अशी आणखीन काही रुग्ण आढळण्याची शक्यता असल्यानेच सतर्कतेचा इशारा देण्यात आला आहे.

चीनमधील सरकारी वृत्तपत्र असणाऱ्या पीपल्स डेलीने याविषयी माहिती दिली आहे. त्यानुसार मंगोलियाच्या स्वायत्त क्षेत्रातील बयन्नुरमध्ये ब्यूबॉनिक प्लेगवर नियंत्रण मिळवण्यासाठी तिसऱ्या स्तरावरील इशारा दिला आहे. ब्यूबानिक प्लेगचे दोन रुग्ण बयन्नुरमधील एका रुग्णालयामध्ये दाखल करण्यात आले आहेत. स्थानिक आरोग्य विभागाने दिलेल्या माहितीनुसार त्यांनी जारी केलेला सतर्कतेचा इशारा हा २०२० च्या शेवटपर्यंत लागू राहणार आहे.

सध्या शहरामध्ये प्लेगचा संसर्ग होण्याची भिती आहे. स्वत:च्या सुरक्षेसाठी जतनतेने जागरूक राहणे गरजेचे आहे. नागरिकांनी स्वत:ची रोगप्रतिकारशक्ती वाढवणे गरजेचे आहे. तसेच आरोग्यासंदर्भातील काही तक्रारी असल्यास नागरिकांनी तातडीने जवळच्या आरोग्य केंद्राला भेट देणं गरजेचे आहे,” असे बयन्नुरमधील आरोग्य अधिकाऱ्यांनी म्हटले आहे. सरकारी वृत्तसंस्थेने १ जुलै रोजी दिलेल्या वृत्तामध्ये पश्चिम मंगोलियाच्या खोड प्रांतामध्ये ब्यूबानिक प्लेगचे दोन रुग्ण आढळून आल्याचे नमूद करण्यात आलं होतं. या रुग्णांना झालेला संसर्ग हा ब्यूबानिक प्लेगचाचा असल्याचे प्रयोगशाळेतील चाचण्यानंतर स्पष्ट झालं होते.

Leave A Reply

Your email address will not be published.