Chicken Neck Route । भारतीय रेल्वेने नेपाळमधील विराटनगर आणि न्यू माल जंक्शन दरम्यान अंतिम स्थान सर्वेक्षणासाठी 190 किलोमीटरचा मार्ग मंजूर केला आहे. या मार्गाचा मुख्य उद्देश भारताशी ईशान्येला जोडणाऱ्या सिलीगुडी कॉरिडॉरवरील अवलंबित्व कमी करणे हा आहे. या कॉरिडॉरला चिकन नेक असेही म्हणतात. यांच चिकन नेकसाठी भारत सरकारने मोठा निर्णय घेतला आहे.
‘चिकन नेक’वरील अवलंबित्व कमी करण्यासाठी भारत सरकारने एक मोठी योजना आखली आहे. हे अमलात आल्यास बिहार आणि बंगाल एकत्र येतील. भारत सरकार नेपाळमार्गे हा रेल्वेमार्ग तयार करणार आहे. या आराखड्यात बिहारमधील जोगबानीला बंगालमधील न्यू माल जंक्शनशी जोडण्यासाठी नेपाळमधील विराटनगरमार्गे रेल्वेमार्ग बांधण्याचा प्रस्ताव आहे. याविषयीची माहिती एका इंग्रजी वर्तमानपत्राने दिली आहे.
भारत सरकारची ‘ही’ आहे नवीन योजना Chicken Neck Route ।
इंग्रजी वर्तमानपत्रानुसार, भारतीय रेल्वेने 190 किलोमीटरच्या मार्गाला मंजुरी दिली आहे. या अंतर्गत गलगलिया (बिहार), भद्रपूर (नेपाळ) आणि काजली बाजार (नेपाळ) साठी आणखी 12.5 किलोमीटर नवीन रेल्वे ट्रॅकची आवश्यकता असेल. अहवालात म्हटले आहे की, जोगबनी-बिराटनगर विभागात भारतात 18.6 किमी आणि नेपाळमध्ये 13.15 किमीचा ट्रॅक समाविष्ट असेल. नेपाळ सरकार लवकरच या भागाचा ताबा घेणार आहे. उर्वरित भागाचे काम सुरू आहे.
चिकन नेक म्हणजे काय, भारतासाठी ते का महत्त्वाचे आहे? Chicken Neck Route ।
भारताला ईशान्येला जोडणाऱ्या सिलीगुडी कॉरिडॉरवरील आपले अवलंबित्व सरकार कमी करणार आहे. भारताला ईशान्येला जोडणारे सर्व रेल्वे मार्ग इस्लामपूरमधील अलुबारीतून जातात. हे क्षेत्र चिकन नेकमध्ये येते. हा संपूर्ण परिसर नेपाळ आणि बांगलादेश दरम्यान 22 किलोमीटरच्या परिसरात येतो. अलुआबारीहून गाड्या न्यू जलपाईगुडी जंक्शन किंवा सिलीगुडी जंक्शनकडे जातात. चीनची नजर सध्या चिकन नेकवर आहे. त्यामुळे भारतासाठी ते खूप महत्त्वाचे आहे.
