नवी दिल्ली – बुद्धिबळ विश्वचषक स्पर्धेचा अंतिम सामना मॅग्नस कार्लसन याने जिंकला आहे. भारताच्या आर. प्रज्ञानानंद याला टायब्रेकर सामन्यात पराभवाचा सामना करावा लागला. जगातील नंबर वन खेळाडू मॅग्नस कार्लसनने त्याला फायनलमध्ये पराभूत करून करोडो भारतीयांची मने तोडली. जागतिक दिग्गज कार्लसनने प्रथमच विजेतेपद पटकावले आहे. प्रज्ञानंदचा टायब्रेकरमध्ये पराभव झाला.
जेतेपद पटकावण्यापासून तो हुकला असेल, पण त्याने ज्या पद्धतीने पहिल्या क्रमांकाच्या खेळाडूविरुद्ध खेळ केला, त्याने संपूर्ण जगाची मने जिंकली आहेत. विश्वचषकाची अंतिम फेरी खेळणारा प्रज्ञानंद जगातील सर्वात तरुण खेळाडू आहे. त्याने जेतेपदाच्या लढतीत कार्लसनला कडवी झुंज दिली असल्याचं दिसून आलं आहे.
🏆 Magnus Carlsen is the winner of the 2023 FIDE World Cup! 🏆
Magnus prevails against Praggnanandhaa in a thrilling tiebreak and adds one more prestigious trophy to his collection! Congratulations! 👏
📷 Stev Bonhage #FIDEWorldCup pic.twitter.com/sUjBdgAb7a
— International Chess Federation (@FIDE_chess) August 24, 2023
सुरुवातीच्या 2 फेऱ्या अनिर्णित राहिल्यानंतर गुरुवारी दोघांमध्ये टायब्रेकरचा सामना झाला. जिथे 25 मिनिटांच्या पहिल्या वेगवान गेममध्ये जगातील नंबर वन खेळाडूने बाजी मारली आणि यासह 1-0 अशी आघाडी घेतली. त्याला 47 चाली लागल्या. दुसऱ्या गेममध्ये भारतीय स्टारला पुनरागमन करण्याची संधी होती, पण ती हुकली.
तत्पूर्वी, प्रज्ञानंदने उपांत्य फेरीत टायब्रेकमध्ये जागतिक क्रमवारीत तिसऱ्या क्रमांकावर असलेल्या फॅबियानो कारुआनाचा पराभव करून अंतिम फेरीत प्रवेश केला. त्याने उमेदवार स्पर्धा 2024 मध्येही आपले स्थान निश्चित केले आहे. 32 वर्षांच्या कार्लसन याने 2004 मध्ये ग्रँडमास्टर हा खिताब मिळवला तेव्हा प्रज्ञानानंद याचा जन्मही झाला नव्हता. प्रज्ञानानंद याचा जन्म 2005 मधील आहे. त्यामुळे या दोघांमधील लढाई विषम पातळीवरील असल्याचे दिसते.
