Centre releases tax devolution : केंद्र सरकारकडून राज्यांना दिला जाणारा कर परतावा जारी करण्यात आला आहे. केंद्राकडून महाराष्ट्राला 10930.31 कोटी रुपयांचा कर परतावा देण्यात आला आहे. तर सर्वाधिक 31039.84 कोटी रुपयांचा निधी उत्तर प्रदेशला जारी करण्यात आला.
केंद्र सरकारने राज्यांना मासिक कर हस्तांतरण प्रक्रियेंतर्गत एकूण 1 लाख 73 हजार 030 कोटी दिले आहेत. केंद्राकडून मासिक कर परतावा जारी करण्यात आल्यानंतर मुख्यमंत्री देवेंद्र फडणवीस यांनी पंतप्रधान नरेंद्र मोदी आणि केंद्रीय अर्थमंत्री निर्मला सीतारामण यांचे आभार मानले.
केंद्राकडून राज्यांना डिसेंबर महिन्यात 89 हजार 86 कोटी रुपयांचा कर परतावा जारी केला होता. तर आता सर्व राज्यांना मिळून 1 लाख 73 हजार 30 कोटी रुपये कर परतावा दिला. यामध्ये महाराष्ट्राच्या वाट्याला 10930.31 कोटी रुपये एवढा निधी आला आहे.
Thank you Hon PM Modi Ji & FM Sitharaman ji!
Heartfelt thanks to Hon PM Narendra Modi Ji and Hon Finance Minister Nirmala Sitharaman ji for releasing ₹10,930.31 crore as monthly tax devolution to Maharashtra!
This significant support will greatly accelerate our development… pic.twitter.com/g9NUTHQjhC
— Devendra Fadnavis (@Dev_Fadnavis) January 10, 2025
राज्याला कर परतावा प्राप्त झाल्यानंतर मुख्यमंत्र्यांनी पंतप्रधान नरेंद्र मोदींचे आभार मानले. मुख्यमंत्री फडणवीस म्हणाले की, मासिक कर हस्तांतरण प्रक्रियेच्या माध्यमातून महाराष्ट्राला 10930.31 कोटी रुपये निधी जारी केल्याबद्दल पंतप्रधान नरेंद्र मोदी आणि केंद्रीय अर्थमंत्री निर्मला सीतारामण यांचे आभार. तसेच, यामुळे पंतप्रधान मोदीजींच्या दूरदर्शी नेतृत्वाखाली महाराष्ट्रातील नागरिकांसाठी विकासाच्या प्रयत्नांना मोठ्या प्रमाणात गती प्राप्त होईल, असेही ते म्हणाले.
दरम्यान, केंद्र सरकारकडून जारी करण्यात आलेल्या मासिक कर परताव्यांतर्गत सर्वाधिक निधी उत्तर प्रदेशला प्राप्त झाला आहे. या अंतर्गत उत्तर प्रदेशला 31039.84 कोटी रुपये कर परतावा मिळाला. बिहार आणि पश्चिम बंगालला अनुक्रमे 17403.36 कोटी आणि 13107.06 कोटी रुपये परतावा देण्यात आला आहे. तर लहान राज्य असलेल्या गोव्याला 667.91 कोटी निधी जारी करण्यात आला आहे.