ग्वाँझू : सलग दुस-या पराभवामुळे गतविजेत्या पी.व्ही. सिंधूचे बीडब्ल्यूएफ वर्ल्ड टूर फायनल बॅडमिंटन स्पर्धेतील आव्हान संपुष्टात आले आहे. स्पर्धेत ‘अ’ गटातील दुस-या लढतीत सिंधूचा चीनच्या चेन यु फेइने पराभव केला.
गुरूवारी झालेल्या दुस-या लढतीत चीनच्या चेन यु फेइने पी.व्ही. सिंधूचे आव्हान २०-२२,२१-१६,२१-१२ असं परतवून लावले. स्पर्धेतील तिचा हा सलग दुसरा पराभव ठरला.
Tough luck!@Pvsindhu1 fought hard and gave her all but a win still eluded her at the #BWFWorldTourFinals2019. #ChenYufei made a great comeback to win the match 20-22, 21-16, 21-12.
Keep fighting, champ!#badminton #Indiaontherise pic.twitter.com/xr2zOpvMCw
— BAI Media (@BAI_Media) December 12, 2019
आता शुक्रवारी सिंधूची लढत हे बिंग जिओविरूध्द होईल पण दुस-या लढतीत अकाने यामागुचीने बिंग जिओ हे हिच्यावर विजय मिळवल्याने सिंधूचे आव्हान संपुष्टात आले. ‘अ’ गटातून चेन यु फेइ आणि यामागुचीने उपांत्य फेरीत प्रवेश केला.
दरम्यान, स्पर्धेत बुधवारी गटातील पहिल्याच लढतीत तिला जापानच्या अकाने यामागुचीकडून पराभव पत्कारावा लागला होता. ‘अ’ गटात एकेरीच्या पहिल्या लढतीत जापानच्या अकाने यामागुचीने सिंधूचे आव्हान १८-२१, २१-१८, २१-८ असे परतवून लावत विजय मिळवला होता.