रामजन्मभूमीत गगनाला स्पर्श करणारे राम मंदिर बांधू- अमित शहा

रांची: रामजन्मभूमीत गगनाला स्पर्श करणारे राम मंदिर बांधले जाईल. असे गृहमंत्री अध्यक्ष अमित शहा म्हणाले. भगवान बिरसा मुंडाची भूमी, लातेहार येथील माणिका येथे निवडणूक प्रचारसभेत शहा बोलत होते. तसेच कॉंग्रेस पक्षाने हे प्रकरण कोर्टात चालू दिले नाही असा आरोप त्यांनी कॉंग्रेसवर केला. आत्ता सुप्रीम कोर्टाने जनमताने हा निर्णय घेतला असून रामजन्मभूमीत भव्य मंदिर बांधले जाणार असल्याचे शहा म्हणाले.

दरम्यान, अमित शहा यांनी आपल्या भाषणात जम्मू-काश्मीरचा उल्लेख केला. “पुन्हा पूर्ण बहुमताने सरकार बनल्यानंतर पहिल्या अधिवेशनात काश्मीरमधून कलम ३७० आणि  ३५ अ हटविण्याचे काम नरेंद्र मोदींनी केले.

अमित शहा म्हणाले की, कॉंग्रेस पक्ष आणि झारखंड मुक्ती मोर्चा आदिवासी आणि मागासवर्गीयांबद्दल बोलतात, परंतु इथल्या लोकांसाठी त्यांनी काहीही केले नाही. तुम्ही ७० वर्षे राज्य केले, गरिबांच्या घरात गॅस, वीज, आरोग्य कार्ड, शौचालये का पोहोचली नाहीत? गाव का प्रकाशित केली नाहीत? असे प्रश्न शहा यांनी उपस्थित केले.

आम्ही प्रत्येक गावात वीज पोहोचविली, गरीब महिलांना गॅस सिलिंडर पुरवले. ५ लाखाहून अधिक लोकांना घरे उपलब्ध करुन देण्यासाठी आणि संपूर्ण झारखंडमधील प्रत्येक घरात शौचालये आणि पिण्याचे पाणी पोहोचले पाहिजे, अशी व्यवस्था देखील भाजपा सरकार करीत आहे, असे आश्वासन शहा यांनी दिले.

रघुवर दास सरकारचे कौतुक करत शहा म्हणाले, झारखंड राज्याने आदिवासी प्रोत्साहन संस्थेच्या अंतर्गत महिला शेतकऱ्यांना सक्षम करण्यासाठी लिंबू गवत आणि तुळशी यांची लागवड करुन महिलांचे उत्पन्न वाढविण्याचे काम केले.  माणिका विधानसभेत ३०० कोटी रुपये खर्च करून ५५४ किमी लांबीचा रस्ता बनविला गेला आहे. तसेच आमच्या सरकारने बिरसा मुंडा यांचे जन्मस्थान आणि कर्म स्थळ येथे त्यांच्या सन्मानार्थ स्मारक बांधले आणि ७० वर्षांनंतर प्रथमच २०१८ मध्ये पदवी कॉलेजला मान्यता देण्याचे काम केले. मोदी सरकारने आदिवासी बांधव व बहिणींसाठी बरीच कामे केली. आदिवासींचा अभिमान ५ वर्षात वाढवण्यासाठी भाजपाने कसलीही कसर सोडली नाही.

Leave A Reply

Your email address will not be published.