Maharashtra Cabinet Meeting : मुख्यमंत्री देवेंद्र फडणवीस यांच्या अध्यक्षतेखाली आज 5 मे रोजी झालेल्या राज्य मंत्रिमंडळ बैठकीत तीन महत्वाचे निर्णय घेण्यात आले आहेत. आदिवासी मुलांच्या शिक्षणासाठीचा निर्णय, सोलापूरच्या शासकीय तंत्रनिकेतनमध्ये या शैक्षणिक वर्षापासून (सन २०२६-२७) पदवीस्तराचे तीन अभियांत्रिकी अभ्यासक्रम सुरु करण्यास मंजुरी आणि श्री तुळजाभवानी अभियांत्रिकी महाविद्यालय महाराष्ट्र शासनास हस्तांतरित करण्याचा निर्णयांचा समावेश आहे. १ आदिवासी बांधवांच्या मुलांच्या शैक्षणिक प्रगतीसाठी महत्वपूर्ण निर्णय स्वयंसेवी संस्थाच्या पाच प्राथमिक व 19 माध्यमिक अनुदानित आश्रमाशाळांची प्राथमिकमधून माध्यमिक आणि माध्यमिकमधून कनिष्ठ महाविद्यालय अशी श्रेणीवाढ. त्यासाठी आवश्यक पदनिर्मिती व आवश्यक खर्चाच्या तरतूदीस मंजुरी देण्यात आली आहे. या निर्णयामुळे डोंगराळ, दुर्गम भागातील आदिवासी बांधवांच्या मुलांचे शिक्षण गतीमान होणार आहे. २ सोलापूरसाठी महत्वाचा निर्णय (Maharashtra Cabinet Meeting) सोलापूरच्या शासकीय तंत्रनिकेतनमध्ये या शैक्षणिक वर्षापासून (सन २०२६-२७) पदवीस्तराचे तीन अभियांत्रिकी अभ्यासक्रम सुरु करण्यास मंजुरी मिळाली आहे. सोलापूर आणि आजूबाजूच्या परिसरातील अभियांत्रिकी शिक्षण घेऊ इच्छिणाऱ्या विद्यार्थ्यांच्या दृष्टीने हा अत्यंत महत्वाचा निर्णय आहे. यासोबतच प्रत्येकी साठ प्रवेश क्षमतेचे एआय अँण्ड मशिन लर्निंग, कॉम्प्युटर सायन्स अँण्ड इंजिनियरींग, इलेक्ट्रॉनिक्स अँण्ड टेलिकम्युनिकेशन असे तीन नवे अभियांत्रिकी अभ्यासक्रम सुरू केले जाणार आहेत. ३ अभियांत्रिकी महाविद्यालय महाराष्ट्र शासनास हस्तांतरित करण्याचा निर्णय धाराशिव जिल्ह्यातील तुळजापूर येथील श्री तुळजाभवानी मंदिर संस्थानच्या माध्यमातून चालविण्यात येणारे श्री तुळजाभवानी अभियांत्रिकी महाविद्यालय महाराष्ट्र शासनास हस्तांतरित करण्याचा मोठा निर्णय घेण्यात आला आहे. याचा फायदा म्हणजे महाविद्यालयाचे सक्षमीकरण होणार असून अद्ययावत शैक्षणिक सोयी-सुविधांमुळे या परिसरातील विद्यार्थ्यांना दर्जेदार अभियांत्रिकी शिक्षण उपलब्ध होण्याची संधी मिळेल. महत्वाचा आदेश Maharashtra Cabinet Meeting : मोठी बातमी! राज्य मंत्रिमंडळाच्या बैठकीत तीन महत्वाचे निर्णय, वाचा सविस्तर… याशिवाय ज्या प्रकरणामुळे राज्यात संतापाची लाट आहे. त्या नसरापूर येथील अत्याचार प्रकरणावर मंत्रीमंडळ बैठकीत चर्चा करण्यात आली. या बैठकीत लैंगिक शोषणातील आरोपींना पॅरोल देऊ नका, असे स्पष्ट निर्देश मुख्यमंत्री देवेंद्र फडणवीस यांनी कॅबिनेट बैठकीत दिले आहेत. हेही वाचा : BJP Wins Muslim Seats: “काबा-काली-बाबरीवर भाजपचा आवाज, तरी ४५% मुस्लिम जागा कशा जिंकल्या?” ; बंगालमध्ये मोदी-शाहांचा धक्कादायक ‘खेला’