मुंबई – माहिती तंत्रज्ञान क्षेत्राबरोबरच वित्तीय संस्थांच्या शेअरच्या भावात वाढ झाल्यामुळे आज शेअर बाजाराचे निर्देशांक वाढले. जागतिक बाजारातून सकारात्मक संदेश आल्याचा परिणामही निर्देशांकावर झाला असल्याचे दिसून आले. बाजार बंद होताना मुंबई शेअर बाजाराचा निर्देशांक सेन्सेक्‍स 319 अंकांनी वाढून 68,941 अंकावर बंद झाला. विस्तारित पाया असलेल्या राष्ट्रीय शेअर बाजाराचा निर्देशांक निफ्टी 90 अंकांनी म्हणजे 0.5 टक्‍क्‍यांनी वाढून 18,118 अंकावर बंद झाला.
“पेट्रोलचे दर कमी होतील…” पेट्रोलियम मंत्री हरजीत सिंग पुरी यांचा आशावाद
हिंदुस्थान युनिलिव्हर, टाटा मोटर्स, सन फार्मा, इन्फोसिस, टीसीएस, टेक महिंद्रा, एचसीएल टेक, स्टेट बॅंक, कोटक बॅंक, एचडीएफसी, नेस्ले या कंपन्यांच्या शेअरच्या भावात भरीव वाढ झाल्यामुळे निर्देशांकांना चांगलाच आधार मिळाला. मात्र अशा परिस्थितीत अल्ट्राटेक सिमेंट कंपनीचा शेअर 4.62 टक्‍क्‍यांनी कोसळला.
कॉंग्रेसकडून सशस्त्र दलांचा अपमान; भाजपची टीका
त्याचबरोबर एनटीपीसी, एल अँड टी, टाटा स्टील, रिलायन्स इंडस्ट्रीज, टायटन या कंपन्यांच्या शेअरचे भाव कमी झाल्याचे दिसून आले. जिओजी वित्तीय सेवा या संस्थेचे संशोधन प्रमुख विनोद नायर यांनी सांगितले की, बॅंका आणि वित्तीय संस्थांच्या शेअरच्या भावात भरघोस वाढ झाल्यामुळे निर्देशांक उंचावले.
बऱ्याच कंपन्यांनी गेल्या आठवड्यात चांगले ताळेबंद जाहीर केले आहेत. त्यामुळे गुंतवणूकदार खरेदी करण्याच्या मनस्थितीत होते. त्याचबरोबर फेडरल रिझर्व्ह आक्रमक व्याजदर वाढ करणार नाही या शक्‍यतेमुळे अमेरिका, युरोप आणि इतर शेअर बाजारातून सकारात्मक संदेश आल्यामुळे शेअर बाजारात सकाळपासून खरेदीचे वातावरण होते.
जपान मधील शेअर बाजाराचे निर्देशांक सव्वा टक्‍क्‍यांनी वाढले. जर्मनी, ब्रिटन येथील शेअर बाजाराचे निर्देशांकही वाढले होते. जागतिक गुंतवणूकदारांनी भारतीय शेअर बाजारात शुक्रवारी 2,002 कोटी रुपयांची शेअरची विक्री केली. या आठवड्यामध्ये फेडरल रिझर्व्ह नेमका काय निर्णय घेते यावर शेअर बाजाराची पुढील दिशा अवलंबून राहण्याची शक्‍यता असल्याचे सांगण्यात येते.
