Sindhudurg District : भाजपचा बिनविरोध पॅटर्न कायम! निवडणुकीपूर्वीच उधळला विजयाचा गुलाल

Sindhudurg District : महापालिका निवडणुकीत भाजपचे अनेक उमेदवार बिनविरोध निवडून आले. आता जिल्हा परिषद आणि पंचायत समिती निवडणुकीतही हा पॅटर्न कायम असून, सिंधूदुर्ग जिल्ह्यात एकूण ११ उमेदवार निवडणुकीपर्वीच बिनविरोध निवडून आले आहेत.

Sindhudurg District : स्थानिक स्वराज्य संस्थांच्या निवडणुकीतील नगरपरिषद आणि महापालिका निवडणुकीत भाजपचे अनेक उमेदवार बिनविरोध निवडून आले. भाजपच्या बिनविरोध पॅटर्नची राज्यभरात जोरदार चर्चा झाली. आता जिल्हा परिषद आणि पंचायत समिती निवडणुकीतही भाजपने बिनविरोध पॅटर्न कायम ठेवला आहे.

सिंधूदुर्ग जिल्ह्यात भाजपने निवडणुकीअगोदर विजयाचा गुलाल उधळला आहे. जिल्हा परिषद निवडणुकीत पाच सदस्य आणि पंचायत समितीत सहा सदस्य बिनविरोध निवडून आले आहेत. या विजयाने सिंधूदुर्ग जिल्ह्यात भाजपने निवडणुकीअगोदर विजयाची जोरदार मुसंडी मारली आहे. शिंदेसेनेचा एक उमेदवार बिनविरोध निवडून आला आहे.

हेही वाचा : US Winter Storm : अमेरिकेत हिमवादळामुळे कहर ; वीजपुरवठा खंडित, १३,००० उड्डाणे रद्द

यामुळे सिंधूदुर्ग जिल्ह्यात ठाकरेसेनेला मोठा धक्का असून, मतदानापूर्वीच महायुतीने जिल्हा परिषद आणि पंचायत समिती अशा एकूण मिळून अकरा जागा जिंकत विजयाचा जल्लोष साजरा केला आहे.