शिर्डी : भाजपचे वरिष्ठ नेते आणि केंद्रीय मंत्री नितीन गडकरी यांची प्रकृती पुन्हा बिघडली आहे. नितीन गडकरींना शिर्डी लोकसभा मतदार संघातील शिवसेनेचे उमेदवार सदाशिव लोखंडे यांच्या प्रचार सभेत बोलताना अचानक भोवळ आली. सध्या त्यांची प्रकृती स्थिर असल्याची माहिती मिळाली आहे.
https://www.facebook.com/edainikprabhat/videos/411227972992702/
‘शिर्डीतील धरणाचे काम सहा महिन्यात सुरू होईल, मी तुम्हाला पाणी दिल्याशिवाय राहणार एवढं वचन देण्यासाठी इथं आलोय, म्हणून तुम्ही भाजप आणि एनडीएला निवडून द्या’, असं म्हणत नितीन गडकरींनी आपलं भाषण आटोपतं घेतलं आणि त्यानंतर लगेच त्यांना भोवळ आली.
गडकरी यांची प्रकृती अगदी ठणठणीत असून, काळजी करण्याचे कारण नाही. ज्या हितचिंतकांनी या काळामध्ये विचारपूस केली त्या सर्वांचे त्यांनी आभार मानले आहेत.
दरम्यान, गडकरींना याआधीही अहमदनगरमधील राहुरी कृषी विद्यापीठातील पदवीदान सोहळ्यात केंद्रीय रस्ते वाहतूक मंत्री नितीन गडकरी यांना भोवळ आली होती.
