मुंबई : भाजपाचे नेते आशिष शेलार यांनी जीवे मारण्याची धमकी आली आहे. त्यांना एका पत्राच्या माध्यमातून ही धमकी मिळाली असल्याचे सांगण्यात येत आहे. धमकीचे हे पत्र त्यांच्या कार्यालयात पाठवण्यात आले आहे. याप्रकरणी शेलार यांनी वांद्रे पोलीस ठाण्यात तक्रार दाखल केली असल्याची माहिती समोर येत आहे.
आगामी मुंबई पालिकेच्या निवडणुकीच्या पार्श्वभूमीवर भाजपाचे मुंबई अध्यक्ष आशिष शेलार गेल्या काही दिवासांपासून जास्तीत जास्त लोकांच्या संपर्कात राहण्याचा प्रयत्न करत आहेत. त्यातच आशिष शेलार यांना जीवे मारण्याची धमकी आली आहे. ही धमकी निनावी व्यक्तीने दिली असून धमकीचे पत्र शेलार यांच्या कार्यालयात आले आहे.
Mumbai BJP pres Ashish Shelar received death threat in a letter sent to his office in Bandra by an unknown person. Indecent language was also used against BJP & Shiv Sena’s Shinde faction in the letter. Ashish Shelar lodged a complaint about it at Bandra PS:Ashish Shelar’s Office
— ANI (@ANI) January 27, 2023
धमकीच्या या पत्रानंतर शेलार यांनी वांद्रे पोलीस ठाण्यात तक्रार दाखल केली आहे. मिळालेल्या माहितीनुसार या पत्रात भाजपा तसेच शिंदे गटाविषयी अभद्र भाषेचा वापर करण्यात आला आहे.
धमकी नेमकी कोणी दिली, याबाबत अद्याप माहिती मिळालेली नाही. मात्र या धमकीच्या पत्रानंतर एकच खळबळ उडाली आहे. मुंबई पोलिसांनी दाखल तक्रारीनंतर आरोपींचा शोध घेतला जात आहे. विशेष म्हणजे या पत्रात भाजपा आणि शिंदे गटावर असभ्य भाषेचा वापर करण्यात आल्यामुळे चर्चांना उधाण आले आहे.
