पुणे : भरधाव दुचाकी दुभाजकावर आदळून दुचाकीस्वार तरुणाचा मृत्यू झाल्याची घटना येरवड्यातील काॅमरझोन आयटी पार्क रस्त्यावर घडली. आदित्य प्रमोद सावंत (वय २३, रा. पांचाळ बिल्डिंग, आळंदी रस्ता, कळस) असे तरुणाचे नाव आहे.
याबाबत सहायक पोलीस निरीक्षक विशाल टकले यांनी येरवडा पोलीस ठाण्यात फिर्याद दिली. पोलिसांनी दिलेल्या माहितीनुसार, आदित्य सोमवारी मध्यरात्री येरवड्यातील काॅमरझोन आयटी पार्क रस्त्याने भरधाव निघाला असता, नियंत्रण सुटल्याने दुचाकी दुभाजकावर आदळली. गंभीर जखमी झालेल्या आदित्यचा उपचारांपूर्वीच मृत्यू झाला. पोलीस कर्मचारी जाधव तपास करत आहेत.
