कणकवली – भाजप नेते नितेश राणे यांना मोठा झटका बसला आहे. नितेश राणे ज्या संस्थेचे सदस्य आहेत. त्या सिंधुदुर्ग शिक्षण प्रसारक मंडळाने जिल्हा बँकेकडून कर्जरुपी घेतलेले 16 कोटी रुपये थकीत आहेत. यामुळे सहकार विभागाने आमदार नितेश राणेंचा मतदानाचा अधिकार नाकारला आहे. आमदार नितेश राणेंचा मतदानाचा हक्क नाकारला गेल्याने राणेंना आणि भाजपाला मोठा धक्का बसला आहे.
आज सिंधुदुर्ग जिल्हा बँकेची निवडणूक होत असून ही निवडणूक जिंकण्यासाठी सर्वच राजकीय पक्ष मोर्चेबांधणी केली आहे. भाजपाने देखील या निवडणुकीसाठी मोर्चे बांधणी केली आहे. परंतु भाजपाला मोठा धक्का बसला आहे. आमदार नितेश राणे ज्या संस्थेचे सदस्य आहेत. त्या सिंधुदुर्ग शिक्षण प्रसारक मंडळाने जिल्हा बँकेकडून कर्ज रुपी घेतलेले १६ कोटी रुपयांची परतफेड केली नसल्यामुळे सहकार विभागाने नितेश राणेंचा मतदानाचा अधिकार नाकारला आहे. भाजपकडून जिल्हा बँकेसाठी उमेदवार म्हणून नितेश राणेंचे नाव चर्चेत होते. मात्र नितेश राणे यांचा मतदानाचा हक्क नाकारला गेल्याने केंद्रीय मंत्री राणेंना व भाजपाला मोठा धक्का बसला आहे.
दरम्यान, जिल्हा निवडणुकीच्या वादातून शिवसैनिक संतोष परब यांच्यावर केलेल्या प्राणघातक हल्ला प्रकरणात आमदार नितेश राणे यांच्या जामीन अर्जावरील निकाल न्यायालयाने राखून ठेवला. त्यामुळे त्याचा निकाल आज ( गुरूवारी ) होणार असल्याचे स्पष्ट झाले आहे. आज या प्रकरणावर निर्णय घेतला जाईल, असे न्यायालयाने स्पष्ट केले होते.
