नवी दिल्लीः भारतीय रेल्वे प्रवाशांसाठी नवीन ट्रेन सुरू करण्याच्या तयारीत आहे. इंडियन रेल्वे कॅटरिंग अँड टुरिझम कॉर्पोरेशन 29 ऑगस्टपासून भारत दर्शन स्पेशल टूरिस्ट ट्रेन सुरू करण्याची घोषणा केलीय.
हैदराबाद-अहमदाबाद-निष्कलंक महादेव शिव मंदिर-अमृतसर-जयपूर आणि स्टॅच्यू ऑफ युनिटी यांसारखी ठिकाणं पाहता येणार आहेत. टूर पॅकेजची एकूण किंमत 11,340 रुपयांपासून सुरू होणार आहे. हा दौरा 29 ऑगस्टपासून सुरू होईल आणि 10 सप्टेंबरला संपणार आहे.
The World's Tallest Statue, the holiest pilgrimage centre, the most spectacular palace, the 'Splendours of India' are plenty. #Book this 12D/11N train tour package here https://t.co/ajK91sPycR & discover them all!
— IRCTC (@IRCTCofficial) July 30, 2021
आयआरसीटीसी टुरिझमनुसार, हे देशातील सर्व महत्त्वाच्या पर्यटन स्थळांना भेट देणार आहे आणि हे सर्वात किफायतशीर टूर पॅकेजपैकी एक आहे. भारत दर्शन स्पेशल टूरिस्ट ट्रेनचे बुकिंग IRCTC वेबसाईट https://www.irctc.co.in/ वर ऑनलाईन उपलब्ध आहे. आयआरसीटीसी पर्यटक सुविधा केंद्र, झोनल कार्यालये आणि क्षेत्रीय कार्यालयांद्वारेही बुकिंग करता येते.
भारत दर्शन स्पेशल टूरिस्ट ट्रेनसाठी बोर्डिंग पॉईंट बनवण्यात आलेत, जिथून प्रवासी या ट्रेनमध्ये प्रवास सुरू करू शकतात. ही स्टेशन मदुराई, डिंडीगुल, करूर, इरोड, सालेम, जोलारपेट्टाई, काटपाडी, एमजीआर चेन्नई सेंट्रल, नेल्लोर, विजयवाडा या स्टेशनांवरून जाणार आहे. तसेच विजयवाडा, नेल्लोर, पेरंबूर, काटपाडी, जोलारपेट्टाई, सालेम, इरोड, करूर, डिंडीगुल, मदुराई हे डी-बोर्डिंग पॉईंट्स आहेत.
पॅकेज अंतर्गत स्लिपर क्लासमध्ये रेल्वे प्रवासाची सुविधा असेल. धर्मशाळेत रात्रीचा मुक्काम/फ्रेश अप/ मल्टी शेअरिंग आधार सुविधा असेल. सकाळी चहा किंवा कॉफी, न्याहारी, दुपारचे जेवण आणि रात्रीचे जेवण या व्यतिरिक्त दररोज 1 लिटर पिण्याचे पाणी दिले जाणार आहे. ट्रेनमध्ये टूर एस्कॉर्ट आणि सुरक्षा असेल. यासह प्रवाशांसाठी प्रवास विमा देखील असेल.