नवी दिल्ली – ‘चलो बुलावा आया है’ फेम भजन सम्राट नरेंद्र चंचल (वय, 80) यांचे निधन झाले आहे. प्रकृती खालावल्यामुळे त्यांना दिल्लीतील अपोलो रूग्णालयात दाखल करण्यात आले होते. आज दुपारी त्यांची प्राणज्योत मालवली. त्यांच्या निधनानंतर संगित प्रेमीमध्ये हळहळ व्यक्त केली जात आहे.
Deeply saddened to learn that iconic and most loved #NarendraChanchal ji has left us for the heavenly abode. In prayers for his soul to rest in peace. Heartfelt condolences to his family and legions of fans. 🙏 pic.twitter.com/zXEBN07MbM
— Daler Mehndi (@dalermehndi) January 22, 2021
‘गायक नरेंद्र चंचल यांच्या निधनाचे वृत्त ऐकून मला दु:ख झाले’, असा आशयाचे ट्विट करत गायक दलेर मेहेंदी यांनी नरेंद्र चंचल यांचे निधन झाल्याची माहिती दिली आहे. तसेच देशाचे पंतप्रधान नरेंद्र मोदी यांनीही ट्विट करून शोक व्यक्त केला आहे.
लोकप्रिय भजन गायक नरेंद्र चंचल जी के निधन के समाचार से अत्यंत दुख हुआ है। उन्होंने भजन गायन की दुनिया में अपनी ओजपूर्ण आवाज से विशिष्ट पहचान बनाई। शोक की इस घड़ी में मेरी संवेदनाएं उनके परिजनों और प्रशंसकों के साथ हैं। ओम् शांति!
— Narendra Modi (@narendramodi) January 22, 2021
नरेंद्र चंचल यांचे बाॅलिवूडमधील करिअर अभिनेते ऋषी कपूर यांच्यासोबत सुरू झाले होते. त्यांनी बाॅलिवूडमधील अनेक चित्रपटांत गाणी गायली आहेत. त्यांना ‘अवतार’ चित्रपटातील ‘चलो बुलावा आया है’ या गाण्याने खऱ्या अर्थाने ओळख मिळवून दिली. त्यांनी काही दिवसांपूर्वी करोना व्हायरसवर एक गाणे गायले होते. सोशल मीडियावर ते प्रचंड व्हायरल झाले होते. नरेंद्र चंचल यांच्या निधनाबद्दल संगित क्षेत्रासह बाॅलिवूडमधील अनेक दिग्गजांनी शोक व्यक्त केला आहे.