Political News : पंजाबचे मुख्यमंत्री आणि आपचे नेते भगवंत मान यांचे चुलत बंधू ग्यानसिंग मान यांनी सोमवारी भाजपमध्ये प्रवेश केला. आगामी विधानसभा निवडणुकीच्या तोंडावर ती राजकीय घडामोड लक्षवेधी ठरली आहे. (Political News) हरियाणाचे मुख्यमंत्री नायबसिंह सैनी आणि भाजपचे पंजाब प्रदेशाध्यक्ष सुनील जाखड यांच्या उपस्थितीत ग्यानसिंग यांनी त्या पक्षाचे सदस्यत्व स्वीकारले. नंतर पत्रकारांशी बोलताना ग्यानसिंग यांनी आप आणि पंजाब सरकारवर टीकेची झोड उठवली. (Political News) पंजाबमध्ये भ्रष्टाचाराचे प्रमाण दुप्पट झाले आहे. बेरोजगारी वाढली आहे. अंमली पदार्थांची समस्या गंभीर बनली आहे. आप मूळच्या ध्येयधोरणांपासून भरकटला आहे. त्या पक्षाचे दिल्लीतील नेते पंजाबशी संबंधित निर्णय घेतात, अशा आरोपांची सरबत्ती त्यांनी केली. ग्यानसिंग याआधी आपचे सदस्य होते. (Political News) त्यांनी विविध निवडणुकांत त्या पक्षाचा प्रचारही केला. मात्र, राज्य सरकारची काही धोरणे न पटल्याने त्यांनी मागील काही काळापासून आपवर टीकेचे सत्र आरंभले. आता त्यांनी थेट भाजपमध्ये प्रवेशाचे पाऊल उचलले आहे. पंजाबमध्ये पुढील वर्षीच्या फेब्रुवारीत विधानसभा निवडणूक अपेक्षित आहे. त्यासाठी आठ ते नऊ महिन्यांचाच अवधी बाकी आहे. (Political News)