Bacchu Kadu : विधानपरिषदेच्या निवडणुकीआधी बच्चू कडू यांनी एकनाथ शिंदे यांच्या शिवसेनेत प्रवेश करून आमदारकी मिळवल्यानंतर प्रहार जनशक्ती पक्षात नाराजीचे वातावरण निर्माण झाले होते. आता या नाराजीचा पहिला मोठा फटका बच्चू कडूंना बसला असून, प्रहारचे परभणी जिल्हाप्रमुख शिवलिंग बोधणे यांनी शिवसेना उद्धव बाळासाहेब ठाकरे पक्षात प्रवेश केला आहे. (Bacchu Kadu) मुंबईतील मातोश्री येथे शुक्रवारी झालेल्या कार्यक्रमात शिवलिंग बोधणे यांनी आपल्या समर्थकांसह मशाल हाती घेत ठाकरे गटात प्रवेश केला. पक्षप्रमुख उद्धव ठाकरे यांनी त्यांचे स्वागत केले. यावेळी अंबादास दानवे, राहुल पाटील यांच्यासह अनेक पदाधिकारी उपस्थित होते. (Bacchu Kadu) बोधणे यांनी बच्चू कडूंवर जोरदार टीका करताना म्हटले की, प्रहारमधील प्रत्येक कार्यकर्ता स्वाभिमानाने काम करणारा आहे. मात्र, एका आमदारकीसाठी बच्चू कडूंनी पक्षाला शिंदेसेनेच्या दावणीला बांधले. आमच्याशी कोणतीही चर्चा न करता घेतलेला हा निर्णय कार्यकर्त्यांचा विश्वासघात करणारा आहे. (Bacchu Kadu) तसेच, पक्षासाठी रस्त्यावर उतरून संघर्ष करणाऱ्या कार्यकर्त्यांना उद्ध्वस्त करून घेतलेली ही आमदारकी तुम्हाला स्वस्थ बसू देणार नाही, अशा शब्दांत त्यांनी बच्चू कडूंवर निशाणा साधला. त्यामुळे प्रहार जनशक्ती पक्षात निर्माण झालेली नाराजी आता उघडपणे समोर येऊ लागल्याचे दिसत आहे. (Bacchu Kadu) दरम्यान, विधानपरिषदेच्या रिक्त जागांसाठी निवडणूक प्रक्रिया सुरू झाल्यानंतर बच्चू कडूंनी शिंदे गटात प्रवेश केला होता. शेतकरी आणि दिव्यांगांच्या प्रश्नांसाठी प्रभावीपणे काम करता यावे म्हणून आपण हा निर्णय घेतल्याचा दावा त्यांनी केला होता. मात्र, त्यांच्या या निर्णयानंतर प्रहारमधील अनेक पदाधिकारी नाराज असल्याच्या चर्चा सुरू झाल्या होत्या. (Bacchu Kadu) विशेष म्हणजे, परभणीचे खासदार संजय जाधव यांच्या पक्षांतराच्या चर्चांदरम्यानच प्रहारमधील आक्रमक पदाधिकाऱ्यांचा ठाकरे गटात प्रवेश झाल्याने मराठवाड्यातील राजकीय समीकरणांमध्ये नव्या चर्चांना उधाण आले आहे. (Bacchu Kadu)