Babar Azam troll for Trophy Celebration Video Viral : पीएसएल २०२६ (PSL 2026) च्या अंतिम सामन्यात बाबर आझमच्या नेतृत्वाखालील पेशावर झल्मीने हैदराबाद किंग्समेनचा ५ गडी राखून पराभूत करत जेतेपदावर नाव कोरलं. पेशावर झल्मीने दुसऱ्यांदा पीएसएल चॅम्पियन होण्याचा मान मिळवला असून, यापूर्वी २०१७ मध्ये डॅरेन सॅमीच्या नेतृत्वाखाली त्यांनी पहिल्यांदा विजेतेपद पटकावलं होतं. कर्णधार म्हणून बाबर आझमचे (Babar Azam) हे पहिलेच पीएसएल विजेतेपद आहे. या विजयानंतर बाबर आझमच्या सेलिब्रेशनचा व्हिडीओ व्हायरल झाला, ज्यावरुन त्याला ट्रोल केले जात आहे. अष्टपैलू ॲरॉन हार्डी ठरला विजयाचा शिल्पकार – (Babar Azam Troll) अंतिम सामन्यात हैदराबाद किंग्समेनने पेशावर झल्मीला विजयासाठी १३० धावांचे माफक आव्हान दिले होते. हे लक्ष्य पेशावरने १५.२ षटकांत ५ गडी गमावून सहज गाठले. संपूर्ण हंगामात ५८८ धावा करून सर्वाधिक धावा करणाऱ्या यादीत अव्वल असलेल्या बाबर आझमसाठी हा अंतिम सामना निराशाजनक ठरला. तो पहिल्याच चेंडूवर शून्यावर बाद झाला. मात्र, ऑस्ट्रेलियन अष्टपैलू खेळाडू ॲरॉन हार्डीने नाबाद ५६ धावांची धडाकेबाज खेळी करत संघाला विजयापर्यंत नेले. ( Babar Azam Troll ) Babar Azam tried to copy Rohit Sharma’s ICC Men’s T20 World Cup celebration but turned a legendary moment into a meme 😭😭😭 pic.twitter.com/xrxjxsRI55 — Ankur (@flick_class) May 4, 2026 याआधी, हार्डीने गोलंदाजीतही उत्कृष्ट कामगिरी करत हैदराबादचे ४ महत्त्वाचे फलंदाज अवघ्या २७ धावांत बाद केले होते. या अष्टपैलू आणि चमकदार कामगिरीसाठी ॲरॉन हार्डीला ‘सामनावीर’ (मॅन ऑफ द मॅच) म्हणून गौरविण्यात आले. या विजयानंतर पेशावर झल्मी संघाला ५ लाख अमेरिकन डॉलर्स (अंदाजे ४.७४ कोटी रुपये) बक्षीस म्हणून मिळाले. बाबर आझमच्या सेलिब्रेशनवरून सोशल मीडियावर ट्रोलिंग – (Babar Azam Troll) Babar Azam tried to copy Rohit Sharma’s iconic wall celebration after winning the PSL but badly failed. This guys are so obsessed with IPL and Indian players 😭 pic.twitter.com/Nb1QYzhiC2 — TEJASH (@Tejashyyyyy) May 4, 2026 सामना जिंकल्यानंतरचे सेलिब्रेशन बाबर आझमच्या अंगलट आले आहे. ट्रॉफी स्वीकारताना बाबरने भारतीय कर्णधार रोहित शर्माच्या आयकॉनिक सेलिब्रेशनची कॉपी करण्याचा प्रयत्न केल्याचा आरोप चाहत्यांनी केला आहे. या दोन्ही सेलिब्रेशनचे व्हिडीओ एकत्र जोडले गेले असून, त्यात पोझ आणि टायमिंगमधील साम्य दिसत आहे. (Babar Azam Troll) हेही वाचा – GT vs PBKS : रोमांचक सामन्यात गुजरातचा पंजाबवर निसटता विजय; शेवटच्या षटकात वॉशिंग्टनने ठोकला विजयी षटकार सोशल मीडियावर यावरून बरीच चर्चा सुरू झाली असून, चाहत्यांनी बाबर आझमची खिल्ली उडवली आहे. अनेक नेटकऱ्यांनी याला मजेत “रोहित शर्माची स्वस्त कॉपी” (चीप कॉपी) असे म्हणत सोशल मीडियावर मीम्सचा पाऊस पाडला आहे. एका मोठ्या विजयानंतरही बाबर आझमच्या या कृतीची क्रीडा वर्तुळात जोरदार चर्चा रंगली आहे.