WTC23 Final AUSvIND : वर्ल्ड टेस्ट चॅम्पियनशिप 2021-23 चा अंतिम सामना भारत आणि ऑस्ट्रेलिया यांच्यात इंग्लंडमधील ओव्हल येथे खेळला जात आहे. ऑस्ट्रेलियाने पहिल्या डावात 469 धावा केल्या होत्या. प्रत्युत्तरात भारताने पहिल्या डावात 296 धावा केल्या.
ऑस्ट्रेलिया दुसरा डाव – 123/4
ऑस्ट्रेलियाने दुसऱ्या डावात तिसऱ्या दिवसअखेर 44 ओव्हरमध्ये 4 विकेट्स गमावून 123 धावा केल्या आहेत. पहिल्या डावाच्या आधारे ऑस्ट्रेलियाकडे 173 धावांची आघाडी होती.त्यामुळे आता तिसऱ्या दिवसअखेर ऑस्ट्रेलियाकडे 296 धावांची मोठी आघाडी आहे. मार्नस लाबुशेन(41) आणि कॅमरुन ग्रीन(7) ही जोडी नाबाद परतली आहे.
Australia are piling on a sizeable lead at The Oval to take a hold in the #WTC23 Final 💪#AUSvIND pic.twitter.com/UspU0fDETC
— ICC (@ICC) June 9, 2023
भारतीय संघ आता चौथ्या दिवशी ऑस्ट्रेलियाला लवकरात लवकर गुंडाळण्याचा प्रयत्न करेल. दुसऱ्या डावात उस्मान ख्वाजा 13 धावा, डेव्हिड वॉर्नर एक धावा, स्टीव्ह स्मिथ 34 धावा आणि ट्रॅव्हिस हेड 18 धावा करून बाद झाला. भारताकडून रवींद्र जडेजाने दोन विकेट घेतल्या. त्याचवेळी मोहम्मद सिराज आणि उमेश यादव यांना प्रत्येकी एक विकेट मिळाली. जडेजाने मागील डावातील दोन्ही शतकवीर स्मिथ आणि हेड यांना पॅव्हेलियनमध्ये पाठवले.
भारत पहिला डाव : 296/10
तत्पूर्वी, भारताचा पहिला डाव सर्व बाद 296 धावांवर आटोपला. भारताकडून पहिल्या डावात फलंदाजीत अजिंक्य रहाणेने सर्वाधिक 89 आणि शार्दुल ठाकूरने 51 धावा केल्या तर रवींद्र जडेजानेही 48 धावा केल्या आहेत. भारताची टॉप ऑर्डर पूर्णपणे अपयशी ठरली. कर्णधार रोहित शर्मा 15 धावा, शुभमन गिल 13 धावा, चेतेश्वर पुजारा 14 धावा, विराट कोहली 14 धावा करून बाद झाला.
ऑस्ट्रेलियाकडून पहिल्या डावात गोलंदाजीत पॅट कमिन्सने सर्वाधिक तीन बळी घेतले. स्कॉट बोलँड, कॅमेरॉन ग्रीन आणि मिचेल स्टार्क यांनी प्रत्येकी दोन विकेट घेतल्या. नॅथन लायनने एक विकेट घेतली.
ऑस्ट्रेलिया पहिला डाव – 469/10
तत्पूर्वी, भारताने नाणेफेक जिंकून प्रथम गोलंदाजी करण्याचा निर्णय घेतला आणि ऑस्ट्रेलियाने पहिल्या डावात 469 धावा केल्या. स्टीव्ह स्मिथ आणि ट्रॅव्हिस हेडने शतके झळकावली. ट्रॅव्हिस हेड 163 धावांवर बाद झाला. त्याचवेळी स्टीव्ह स्मिथने कसोटी कारकिर्दीतील 31वे शतक झळकावले. तो 121 धावा करून बाद झाला. डेव्हिड वॉर्नरने 43 आणि मार्नस लबुशेनने 26 धावा केल्या.कॅमेरून ग्रीन सहा धावांवर, अॅलेक्स कॅरी 48 धावांवर, मिचेल स्टार्क पाच धावांवर, पॅट कमिन्स नऊ धावांवर आणि लियॉन नऊ धावांवर बाद झाला.
भारताकडून मोहम्मद सिराजने सर्वाधिक चार विकेट घेतल्या. त्याचवेळी मोहम्मद शमी आणि शार्दुल ठाकूर यांनी प्रत्येकी दोन गडी बाद केले. रवींद्र जडेजाने एक विकेट घेतली
