गुजरात : रेल्वे रूळांवर दगड अथवा अडथळे ठेवून अपघात घडवण्याचे प्रकार वाढताना दिसत आहेत. आता गुजरातमधील बोताड जिल्ह्यातील कुंडली गावाजवळील रेल्वे रुळावर काल रात्री रेल्वे उलवटण्याचा प्रयत्न करण्यात आला. वास्तविक, रुळावर पडलेल्या लोखंडाच्या तुकड्याला आदळल्यानंतर पॅसेंजर ट्रेन थांबली आणि यानंतर ट्रेनचे इंजिन बंद पडले. यानंतर दुसरे इंजिन वापरून ट्रेन सुरू करण्यात आली. त्यामुळे रात्री उशिरा सुमारे ३ तास ओखा भावनगर रेल्वे रुळांवर उभी राहिली.
यानंतर रेल्वे अधिकारी, आरपीएफ आणि रानपूर पोलिसांनी घटनास्थळ गाठून तपास सुरू केला. गुजरातमधील बोताडमधील रानपूर पोलीस स्टेशनजवळ ही घटना घडली आहे. ट्रॅकवर कोणीतरी जुन्या ट्रॅकचा 4 फूट लांब तुकडा ठेवला होता. अशा स्थितीत सिमेंटच्या स्लीपरच्या पुढे जात असताना रेल्वेच्या इंजिनला धडकल्याने गाडी थांबली.
यानंतर सकाळी साडेसात वाजता रानपूर पोलिसांना रेल्वे पोलीस आणि रेल्वे विभागाकडून माहिती देण्यात आली. यानंतर रणपूर पोलीस, एसपी आणि एसओजी टीम घटनास्थळी पोहोचली आणि तपास सुरू केला. या घटनेत रेल्वे ट्रॅकचे अनेक स्लीपर तुटले आहेत. त्यामुळे या मार्गावरील रेल्वे सेवा तात्काळ प्रभावित झाली आहे.
