Attack on Pakistani Army Convoy । पाकिस्तानमध्ये जाफर एक्सप्रेस ट्रेनच्या अपहरणानंतर गोंधळाचे वातावरण निर्माण झाले आहे. दरम्यान, आज बलुचिस्तानमध्ये लष्कराच्या ताफ्यावर हल्ला झाला. या हल्ल्याची जबाबदारी बलुचिस्तान लिबरेशन आर्मी (बीएलए) ने स्वीकारली आहे. या हल्ल्यात ९० पाकिस्तानी लष्करी सैनिक मारल्याचा दावा बीएलएने केला.
एका स्थानिक वर्तमानपत्राच्या वृत्तानुसार, नोशिकीमध्ये पाकिस्तानी लष्कराच्या ताफ्यावर हल्ला करण्यात आला. स्थानिक सूत्रांनी दिलेल्या माहितीनुसार, आरसीडी महामार्गावर लष्कराच्या ताफ्यावर हल्ला करण्यात आला. सुरुवातीला सलग अनेक स्फोट झाले आणि नंतर जोरदार गोळीबार झाला. या हल्ल्यानंतर, अनेक रुग्णवाहिका आणि सुरक्षा दल घटनास्थळाकडे दाखल झाले आहेत, तर रुग्णालयांमध्ये आणीबाणी जाहीर करण्यात आली आहे.
पाकिस्तानी लष्कराच्या ८ वाहनांना लक्ष्य Attack on Pakistani Army Convoy ।
पाकिस्तानी लष्कराच्या ताफ्यावरील हल्ल्याची जबाबदारी स्वीकारताना बीएलएचे प्रवक्ते झियांद बलोच यांनी याविषयी माहिती दिली. त्यांनी, “काही तासांपूर्वी नोशिकी येथील आरसीडी महामार्गावरील रसखान मिलजवळ बीएलएच्या आत्मघाती विंग माजीद ब्रिगेडने पाकिस्तानी लष्कराच्या ताफ्याला लक्ष्य केले. या ताफ्यात आठ बस होत्या, त्यापैकी एक पूर्णपणे उद्ध्वस्त झाली.
आम्ही ९० पाकिस्तानी सैन्य सैनिकांना मारले
या हल्ल्यात ९० पाकिस्तानी लष्करी सैनिक मारले गेल्याचा दावा बीएलएने केला आहे. संघटनेने म्हटले आहे की हल्ल्यानंतर लगेचच, बीएलएच्या फतह पथकाने पुढे सरसावले आणि एका बसला पूर्णपणे वेढले आणि त्यात असलेल्या सर्व सैनिकांवर हल्ला करून त्यांना ठार मारले.
बीएलएकडून जाफर एक्सप्रेसचे अपहरण Attack on Pakistani Army Convoy ।
१२ मार्च रोजी, बीएलएने क्वेट्टाहून पेशावरला जाफर एक्सप्रेसचे अपहरण केले. या ट्रेनमध्ये ४०० हून अधिक प्रवासी होते. या संघटनेने पाकिस्तान सरकारकडे बलुच नेत्यांची सुटका करण्याची आणि बलुचिस्तानमधून पाकिस्तानी अधिकाऱ्यांना काढून टाकण्याची मागणी केली होती. यासाठी बीएलएने शाहबाज सरकारला ४८ तासांचा अल्टिमेटम दिला होता, परंतु पाकिस्तानी सैन्याने ओलिसांना सोडण्यासाठी ऑपरेशन सुरू केले आणि सुमारे ३० तासांनंतर त्यांनी सर्व ओलिसांना सोडल्याचा आणि त्यात सहभागी असलेल्या ३३ बलुच लढवय्यांना ठार मारल्याचा दावा केला.
