चिखलीत एटीएम सेंटर फोडले; अकरा लाखांची रोकड लंपास

पिंपरी: गॅस कटरने कापून अॅक्सिस बँकेचे एटीएम चोरट्यांनी फोडले. यातील अकरा लाखांची रोकड चोरट्यांनी लंपास केली. ही घटना सोमवारी दुपारी उघडकीस आली.

पोलिसांनी दिलेल्या माहितीनुसार, नेवाळे वस्ती, चिखली येथील अॅक्सिस बँकेच्या एटीएममध्ये शुक्रवारी सायंकाळी बँकेने रोकड भरली. सोमवारी दुपारी बँकेच्या प्रतिनिधीला एटीएम फोडल्याचे लक्षात आले. या एटीएममध्ये सुमारे अकरा लाख रुपयांची रोकड होती. पोलिसांनी बाजूच्या दुकानदारांकडे चौकशी केली असता शनिवारी एटीएम फोडले असल्याचे त्यांनी सांगितले. मात्र सोमवारी दुपारपर्यंत बँकेच्या प्रतिनिधींना याबाबत थांगपत्ताही नव्हता. घटनास्थळी चिखली पोलीस तसेच गुन्हे शाखा युनिट एकचे अधिकारी दाखल झाले असून अधिक तपास सुरू आहे.

 

Ads

LEAVE A REPLY

Please enter your comment!
Please enter your name here