Delhi Assembly Elections Result 2025 : दिल्लीतील विधानसभा निवडणुकीच्या निकालाच्या एक दिवस आधी राजकीय हालचालींना वेग आला आहे. अरविंद केजरीवाल यांच्यासह आपच्या नेत्यांनी सांगितले की भाजपने आप उमेदवारांना 15 कोटी रुपयांची ऑफर देण्यात आली होती आणि त्यांच्यावर पक्ष सोडण्यासाठी दबाव आणला जात होता.
लेफ्टनंट गव्हर्नर व्हीके सक्सेना यांनी या प्रकरणाच्या चौकशीचे आदेश दिले आहेत. त्यानंतर आज लाचलुचपत प्रतिबंधक ब्युरो (ACB) ची टीम अरविंद केजरीवाल यांच्या घरी पोहोचली आणि नोटीस दिली. या नोटीसमध्ये 5 प्रश्न विचारले आहेत.
दिल्ली एसीबीचे पथक शुक्रवारी अरविंद केजरीवाल यांच्या घरी पोहोचले, पण त्यांना आत प्रवेश मिळाला नाही. यादरम्यान एसीबीच्या अधिकाऱ्यांनी अरविंद केजरीवाल यांना नोटीस बजावली. या नोटीसमध्ये एनसीबीने अरविंद केजरीवाल यांना 5 प्रश्न विचारले आहेत. नोटीस बजावल्यानंतर एसीबी पथक परतले.
Anti Corruption Branch serves notice to AAP National Convenor Arvind Kejriwal to join investigation over allegations of ‘offer of bribe to MLAs of Aam Aadmi Party”. pic.twitter.com/eAKm2qGzd1
— ANI (@ANI) February 7, 2025
एसीबीने केजरीवाल यांना कोणते प्रश्न विचारले?
– एसीबीच्या टीमने केजरीवाल यांना चौकशीसाठी नोटीस बजावली आहे. कोणाकोणाला 15 कोटींची ऑफर आली त्यांची नावे देण्यास सांगण्यात आले आहे.
– केजरीवाल यांच्या X खात्यावरून दोन पोस्ट करण्यात आल्या आहेत त्या त्यांनी स्वत: केल्या की त्यांच्या टीममधील कोणत्या सदस्याने केल्या आहेत का, असेही एसीबीने विचारले आहे.
– एसीबीने विचारले आहे की, अरविंद केजरीवाल हे त्यांच्या xवर केलेल्या पोस्टशी सहमत आहेत आणि हे सर्व आरोप त्यांचे स्वतःचे आहेत की नाही?
– एसीबीने असेही विचारले आहे की, अरविंद केजरीवाल यांनी हे देखील सांगावे की त्यांच्या आमदारांना आणि उमेदवारांना प्रत्येकी 15 कोटी रुपयांच्या लाचेचे कॉल कोणाच्या क्रमांकावरून आले आहेत. याशिवाय त्यांना ते सर्व क्रमांकही सांगावे लागतील.
– याशिवाय या आरोपाशी संबंधित त्यांच्यावर किंवा त्यांच्या पक्षाच्या अन्य नेत्यांनी केलेल्या आरोपांची माहितीही एसीबीला द्यावी, असेही एसीबीने म्हटले आहे.
