नवीदिल्ली – सुमारे 15 दिवसांपूर्वी घुसखोरीच्या प्रयत्नादरम्यान अटक करण्यात आलेल्या एका पाकिस्तानी दहशतवाद्याचा शनिवारी जम्मू-काश्मीरमधील राजौरी जिल्ह्यातील लष्करी रुग्णालयात हृदयविकाराच्या झटक्याने मृत्यू झाला. पाकव्याप्त काश्मीर (पीओके) मधील कोटली येथील सब्जकोट गावातील रहिवासी तबरक हुसेन (32) याला 21 ऑगस्ट रोजी सीमेपलीकडून भारतात घुसखोरीचा प्रयत्न करताना गेल्या सहा वर्षांत दुसऱ्यांदा अटक करण्यात आली होती.
लष्कर-ए-तैयबा (एलईटी) चा प्रशिक्षित सदस्य आणि पाकिस्तानी लष्कराचा एजंट हुसैन याला अटक करताना भारतीय सैनिकां ना गोळीबार करावा लागला होता. यावेळी तो गंभीर जखमी झाला. त्यानंतर त्याला लष्कराच्या रुग्णालयात हलवण्यात आले जेथे त्याच्यावर शस्त्रक्रिया करण्यात आली होती. भारतीय सैनिकांनी त्याचे प्राण वाचवण्यासाठी तीन युनिट रक्तदान देखील केले होते.पाकिस्तान गुप्तचर विभागातील कर्नल युनूस चौधरी याने आपल्याला भारतात दहशतवादी हल्ला करण्यासाठी पाठवलं होतं. त्याने आपल्याला ३० हजार रुपये दिले होते. अशी माहिती दिलेला हुसेनचा व्हिडीओ सोशल मीडियावर चांगलाच व्हायरल झाला होता.
#WATCH via ANI Multimedia | Tabarak Hussain, a fidayeen suicide attacker from PoK, captured by the Indian Army on 21 Aug at LOC in Jhangar sector of Naushera, Rajouri, says he was tasked by Pak Army’s Col. Yunus to attack Indian Army for around Rs 30,000https://t.co/TIf0lmK744
— ANI (@ANI) August 25, 2022
शनिवारी सायंकाळी उशिरा हृदयविकाराच्या झटक्याने त्यांचे निधन झाले, अशी माहिती लष्कराच्या अधिकाऱ्याने दिली. कायदेशीर औपचारिकता पूर्ण करण्यासाठी त्याचा मृतदेह पोलिसांच्या ताब्यात दिला जाणार आहे.