Ashok Kharat Case : लैंगिक अत्याचार आणि फसवणुकीच्या आरोपांमुळे अटकेत असलेल्या भोंदू अशोक खरात प्रकरणात नवे धक्कादायक दावे समोर येत आहेत. सामाजिक कार्यकर्त्या अंजली दमानिया यांनी पत्रकार परिषद घेत खरातच्या संपर्कात असलेल्या लोकांची विस्तृत माहिती समोर आणली आहे. (Ashok Kharat Case) दमानिया यांनी दावा केला की, तब्बल १८२५ लोक खरातच्या संपर्कात होते. त्यांनी कॉल रेकॉर्डच्या आधारे कोणत्या व्यक्तींनी किती वेळा आणि किती वेळ संवाद साधला, याची माहिती मांडली. मात्र, या यादीतील व्यक्तींचा गुन्ह्यात थेट सहभाग आहे, असे आपण म्हणत नसल्याचे त्यांनी स्पष्ट केले. या यादीत अनेक राजकीय आणि प्रशासकीय व्यक्तींचा समावेश असल्याचा दावा करत त्यांनी काही प्रमुख नावेही जाहीर केली. त्यामध्ये नाशिकचे आमदार नितीन पवार, चंद्रकांत पाटील, दीपक केसरकर, सुनील तटकरे, उपमुख्यमंत्री एकनाथ शिंदे आणि जयंत पाटील यांचा उल्लेख करण्यात आला आहे. (Ashok Kharat Case) तसेच चाकणकर कुटुंबातील रुपाली चाकणकर, मुलगा सोहम चाकणकर, बहीण प्रतिभा चाकणकर, तन्मय चाकणकर, प्रफुल्ल चाकणकर, संकेत सायकर यांचे कॉल रेकॉर्ड या यादीत असल्याचा दावा दमानिया यांनी केला. मात्र, या सर्वांनी खरातच्या कथित गैरकृत्यांमध्ये सहभाग घेतला होता, असा आरोप आपण करत नसल्याचे त्यांनी पुन्हा स्पष्ट केले. (Ashok Kharat Case) “अनेक जण केवळ भविष्य जाणून घेण्यासाठी किंवा ओळखीने त्याच्याकडे गेले असतील. मात्र, काही प्रभावशाली व्यक्तींमुळेच खरात इतका मोठा झाला,” असा आरोप करत त्यांनी काही अधिकाऱ्यांकडूनही त्याला मदत मिळाल्याचा दावा केला. दरम्यान, या प्रकरणात एसआयटीकडून सखोल चौकशी सुरू असून पुढील काळात आणखी मोठे खुलासे होण्याची शक्यता व्यक्त केली जात आहे. (Ashok Kharat Case)