Angkrish Raghuvanshi Injury : केकेआरला सर्वात मोठा धक्का! प्ले-ऑफच्या ‘करो या मरो’ सामन्यापूर्वी मॅचविनर खेळाडू आयपीएलमधून बाहेर

Angkrish Raghuvanshi Injury IPL 2026 : आयपीएल २०२६ मधील प्लेऑफची शर्यत अत्यंत अटीतटीच्या वळणावर पोहोचली आहे. आतापर्यंत तीन संघांनी प्ले-ऑफमधील आपले स्थान पक्के केले आहे, तर चौथ्या स्थानासाठी अजूनही चार संघांमध्ये जोरदार रस्सीखेच सुरू आहे. यामध्ये कोलकाता नाइट रायडर्स (KKR) चा संघही शर्यतीत कायम आहे. परंतु, २४ मे रोजी दिल्ली कॅपिटल्सविरुद्ध होणाऱ्या त्यांच्या अत्यंत महत्त्वाच्या अंतिम लीग सामन्यापूर्वी केकेआरला मोठा धक्का बसला आहे. संघाचा या हंगामातील सर्वात यशस्वी फलंदाज अंगकृष रघुवंशी दुखापतीमुळे संपूर्ण उर्वरित हंगामातून बाहेर पडला आहे.

भर मैदानात झाली होती जोरदार टक्कर – ही घटना २० मे रोजी मुंबई इंडियन्सविरुद्धच्या सामन्यात घडली होती. ईडन गार्डन्सवर क्षेत्ररक्षण करत असताना, एक झेल पकडण्याच्या नादात अंगकृष रघुवंशीची वरुण चक्रवर्तीशी जोरात टक्कर झाली. या धडकेनंतर रघुवंशीला मैदानाबाहेर जावे लागले होते आणि ‘कन्कशन सब्स्टिट्यूट’ म्हणून तेजस्वी दहियाला संघात स्थान दिले गेले. आता २२ मे रोजी केकेआरने अधिकृत सोशल मीडिया पोस्टद्वारे माहिती दिली आहे की, अंगकृषच्या डाव्या हाताच्या बोटाला गंभीर फ्रॅक्चर झाले असून, तो या संपूर्ण हंगामात पुढे खेळू शकणार नाही. अंगकृष रघुवंशीसाठी हा हंगाम स्वप्नवत राहिला होता. त्याने १३ सामन्यांत ४२.२० च्या उत्कृष्ट सरासरीने केकेआरसाठी सर्वाधिक ४२२ धावा कुटल्या होत्या, ज्यामध्ये ५ अर्धशतकांचा समावेश होता.

𝗞𝗼𝗹𝗸𝗮𝘁𝗮 𝗞𝗻𝗶𝗴𝗵𝘁 𝗥𝗶𝗱𝗲𝗿𝘀 𝘂𝗽𝗱𝗮𝘁𝗲 𝗿𝗲𝗴𝗮𝗿𝗱𝗶𝗻𝗴 𝗔𝗻𝗴𝗸𝗿𝗶𝘀𝗵 𝗥𝗮𝗴𝗵𝘂𝘃𝗮𝗻𝘀𝗵𝗶:

Angkrish Raghuvanshi has been ruled out of 2026 TATA Indian Premier League after sustaining a concussion and a fracture to a finger on his left hand while attempting… pic.twitter.com/M2u1OWlrib

— KolkataKnightRiders (@KKRiders) May 22, 2026

केकेआरसाठी प्ले-ऑफचे काय आहे समीकरण? कोलकाताचे सध्या १३ सामन्यांत १३ गुण आहेत. त्यांना २४ मे रोजी दिल्ली कॅपिटल्सला त्यांच्या होम ग्राऊंडवर हरवणे अनिवार्य आहे. मात्र, केवळ विजय त्यांना प्ले-ऑफमध्ये नेणार नाही, तर नशिबाचीही साथ लागेल:

१. राजस्थान रॉयल्सची हार आवश्यक: राजस्थान रॉयल्स त्यांचा शेवटचा सामना हरला, तरच कोलकाताच्या आशा जिवंत राहतील. राजस्थान जिंकल्यास ते थेट पात्र ठरतील.

२. पंजाब किंग्सचे गणित: पंजाब किंग्सचा संघ शेवटचा सामना हरला पाहिजे. पण जर पंजाबने विजय मिळवला, तर त्यांचे १५ गुण होतील. अशा स्थितीत केकेआरला केवळ दिल्लीला हरवून चालणार नाही, तर पंजाबपेक्षा आपला ‘नेट रनरेट’ सरस ठेवावा लागेल.

हेही वाचा – Dilip Vengsarkar Slams : “…तर रणजी क्रिकेट बंद करून टाका!”, औकिब नबीची संघात निवड न झाल्याने माजी खेळाडू संतापला

जर राजस्थान आणि पंजाब दोन्ही संघ आपापले सामने हरले, तर कोलकाताला प्ले-ऑफचे तिकीट मिळवण्यासाठी फक्त दिल्ली कॅपिटल्सविरुद्धचा आपला सामना जिंकावा लागेल. अशा अत्यंत महत्त्वाच्या सामन्यापूर्वी अंगकृष सारखा इन-फॉर्म फलंदाज बाहेर होणे केकेआरची चिंता वाढवणारे आहे.