वाघोली – माऊली आबा कटके यांनी महिला बचतगटाच्या माध्यमातून विविध समाजोपयोगी उपक्रम राबवून महिला सक्षमीकरण व सबलीकरणासाठी केलेले काम वाखाणण्याजोगे आहे. तसेच करोना महामारीमध्ये लाॅकडाऊन असतानाही त्यांचेकडून झालेली भरीव मदत त्याचप्रमाणे करोनाच्या संसर्गाची तमा न बाळगता माऊली कटके मित्र परिवारांनी सर्वसामान्यांच्या आरोग्यासाठी सातत्याने मदत केल्याने सर्व समाज त्यांच्यासोबत कायम राहील, असा आशावाद महिला दिनानिमित्त महिलांनी व्यक्त केला.
वाघोली (ता.हवेली) येथे सिद्धिविनायक न्यासाचे अध्यक्ष आदेश बांदेकर यांच्या उपस्थितीत होम मिनिस्टर आणि खेळ मांडीयेला या कार्यक्रम प्रसंगी मोठ्या संख्येने महिला उपस्थित होत्या.
जिल्हा परिषद सदस्य माऊली आबा कटके व मित्र परिवार आयोजित आदेश बांदेकर प्रस्तुत खेळ मांडीयेला या कार्यक्रमांतर्गत विविध खेळ, किस्से, गप्पा, गाणी असे विविध मनोरंजनपर आधारित कार्यक्रम घेण्यात आले. या कार्यक्रमात वाघोली व खराडी परिसरातील ८००० पेक्षा जास्त महिलांनी उपस्थिती नोंदविली आणि या खेळांचा मनसोक्त आनंद लुटला.
यावेळी शिवसेना उपनेते व माजी खासदार शिवाजीराव आढळराव पाटील यांच्यासह विविध क्षेत्रातील मान्यवर, पदाधिकारी उपस्थित होते.
माऊली आबा कटके यांच्यामार्फत परिसरातील महिलांसाठी मोठ्या प्रमाणात कामे करण्यात आली आहेत. शासकीय निधीसाठी विलंब होत असेल अथवा काही अडचण असल्यास प्रसंगी स्वखर्चातून वाघोली व परिसरात कामे होत असतात. त्याचप्रमाणे महिलांच्या सुरक्षेसाठी, बचत गटाबाबत, सार्वजनिक विधायक कामासाठी माऊली कटके कायम पुढाकार घेऊन महिलांच्या न्याय व हक्कासाठी संघर्ष करतात याविषयी सांगताना काही महिलांचे डोळे पाणावले होते. त्यामुळे महिलादिनाचा दिवस समस्त वाघोलीकरांसाठी अविस्मरणीय ठरला.
या कार्यक्रमात विजेत्या ठरलेल्या पाच महिलांना आकर्षक बक्षिसे देखील देण्यात आली.
बक्षीस मिळालेल्या पहिल्या पाच महिलांची नावे व मिळालेले बक्षीस पुढीलप्रमाणे:-
प्रथम: अनिता पुरी – होंडा अ‍ॅॅक्टिवा दुचाकी गाडी आणि पैठणी साडी.
द्वितीय: अर्चना निम्हण – ४०” इंच एलईडी टीव्ही आणि पैठणी साडी.
तृतीय: सारिका बोरकर – २०० लिटर क्षमतेचे फ्रीज आणि पैठणी साडी.
चतुर्थ: भाग्यशाली खंडोर – मायक्रो ओव्हन आणि पैठणी साडी.
पाचवे: प्रिया जाधव – मिक्सर आणि पैठणी साडी.
याव्यतिरिक्त ३०० पेक्षा जास्त महिलांना सोन्याच्या नथी आणि उपस्थित प्रत्येक महिलेस साडी देण्यात आली.
