सारा अली खान आणि कार्तिक आर्यन हे दोघेही नव्या जमान्याचे उगवते स्टार आहेत. गेल्या वर्षी “लव्ह आज कल’मध्ये हे दोघेही एकत्र होते. तेंव्हापासून त्यांच्यातल्या केमिस्ट्रीची चर्चा व्हायला लागली होती. त्या दोघांना बऱ्याच वेळा एकत्र बघितले गेले आहे. मात्र त्यांनी आपल्यातील रिलेशनशीप बाबत कोणतेही कॉमेंट केलेले नाहीत. आता तर त्यांच्यातील केमिस्ट्री बिघडली आहे, असेच बी टाऊनमधील निरीक्षकांचे म्हणणे आहे.
कारण आता या दोघांनीही इन्स्टाग्रामवर एकमेकांना अनफॉलो केले आहे. त्यांनी एकमेकांना अनफॉलो करणे ही तशी धक्कादायक बाब आहे. मात्र त्याचे कारण मात्र समजू शकलेले नाही. त्यांच्यात काही तरी बिनसले आहे, एवढे मात्र नक्की. वर्कफ्रंटच्या बाबतीत बोलायचे तर “भुलभुलैय्या 2′, “दोस्ताना 2′ या आगामी सिनेमातून कार्तिक दिसणार आहे.
या सिनेमांमधील त्याचा लुक रिलीज झाला आहे. या सिनेमांबाबत खूपच चर्चाही झाली होती. तर दुसरीकडे साराही “कुली नं. 1’मध्ये वरुण धवनच्या बरोबर दिसणार आहे. लॉकडाऊनमुळे हा सिनेमा रिलीज होऊ शकलेला नाही. याशिवाय “अतरंगी रे’मध्येही सारा दिसणार आहे.