बॉलिवूड अभिनेत्री आलिया भट्ट आणि रणबीर कपूरची लेक राहाने 6 नोव्हेंबरला तिचा दुसरा वाढदिवस साजरा केला. अशात आलियाने इंस्टाग्रामवर ती ‘काही आठवड्यांची’ असतानाचा एक सुंदर आणि न पाहिलेला फोटो शेअर केला आणि तिला तिच्या खास दिवसाच्या शुभेच्छा दिल्या. ज्यावर सर्व कुटूंबियांनी प्रेमाचा वर्षाव केला आहे.
आलियाने लहान राहासोबतचा एक फोटो शेअर केला आहे. 2022 ला राहाच्या जन्माच्या वेळी काढलेल्या या मनमोहक फोटोत रणबीर कपूर आलियासोबत राहा दिसत आहे. आलियाने कॅप्शनमध्ये लिहिले की, ‘आज 2 वर्षे झाली आणि माझी इच्छा आहे की, ती वेळ पुन्हा यावी जेव्हा तू फक्त काही आठवड्यांचा होतास. पण प्रत्येक आईला वाटतं की आपलं बाळ सदैव आपल्यासाठी लहान असल्याला हवं… वाढदिवसाच्या हार्दिक शुभेच्छा माझ्या प्रिये… तू प्रत्येक दिवस नवीन आयुष्याचा अनुभव घे.’
या पोस्टवर सोनी राजदानने भावनिक इमोजी सेंड केली आहे. तर रिद्धिमा कपूरने लिहिले,’अनमोल.’ त्याच वेळी, इतर लोकांनी देखील त्याचे खूप कौतुक केले. या जोडप्याने ख्रिसमसच्या मुहूर्तावर त्यांच्या लेकीची पहिली झलक सर्वांना दाखवली.’
आलिया भट्टच्या वर्कफ्रंटबाबत सांगायचे झाल्यास, नुकतीच ती जिगर चित्रपटात दिसली होती याशिवाय ती रणबीर कपूर आणि विकी कौशलसोबत संजय लीला भन्साळी यांच्या लव्ह अँड वॉर या चित्रपटात दिसणार आहे. आलिया लवकरच या प्रोजेक्टवर काम सुरू करणार आहे.
