Ajit Pawar : राज्याचे उपमुख्यमंत्री अजित पवार यांचे आज बारामतीमध्ये विमान अपघातात निधन झाले. आज सकाळी बारामती दौऱ्यासाठी निघताना अजित पवार यांच्या विमानाचा लँडिंग होताना भीषण अपघात झाला. विमान लँडिग होतानाच अपघातग्रस्त झाले. त्यांच्या निधनाच्या बातमीने सर्वांनाच धक्का बसला आहे. त्यांच्या निधनाची बातमी समजताच राज्य शासनाकडून आज नियोजित असलेले सर्व शासकीय कार्यक्रम तात्काळ रद्द करण्यात आले आहे. बदललेल्या परिस्थितीच्या पार्श्वभूमीवर हा निर्णय घेण्यात आला असून प्रशासन सतर्क अवस्थेत आहे. दरम्यान, अपघातावेळी नेमके काय घडले, हे सांगताना प्रत्यक्षदर्शी काय म्हणाले पाहू… विमान जमिनीवर पडल्यानंतर खूप मोठा अपघात झाल्याचे सांगताना प्रत्यक्षदर्शी दिसत आहेत. त्यांनी सांगितले की, अपघातानंतर दोन बॉडी स्फोटानंतर उडून बाहेर आल्या. गॉगल आणि घड्याळावरून आम्ही अजित पवार यांना बाहेर काढले आणि त्यांना मदत केली. असं ते सांगतात. नेमकं काय घडलं? आज अजित पवार यांचा बारामती दौरा होता. या बारामती दौऱ्यासाठी आज सकाळी बारामतीसाठी त्यांनी प्रस्थान केलं होतं. बारामतीमध्ये विमान लाँडिंग होत असतानाच विमानामध्ये तांत्रिक बिघाड झाल्याने अपघातग्रस्त झाले. विमानामध्ये अजित पवार यांच्यासह पाच जण होते. त्या सर्वाचा मृत्यू झाला. हे देखील वाचा : Rahul Gandhi : अजित पवार यांच्या निधनानंतर राहुल गांधी भावुक ; ट्विट करत म्हणाले,” ही बातमी ऐकून खूप” बारामती बंद ! उपमुख्यमंत्री अजित पवार यांच्या विमान अपघाताबाबतच्या वृत्तामुळे बारामती शहरात चिंतेचे वातावरण निर्माण झाले. ही माहिती पसरताच अनेक कार्यकर्ते आणि नागरिक शहरातील पुण्यश्लोक अहिल्याबाई होळकर शासकीय वैद्यकीय महाविद्यालयाच्या परिसरात जमा झाले. परिस्थितीचे गांभीर्य लक्षात घेता काही व्यापाऱ्यांनी खबरदारी म्हणून दुकाने बंद ठेवली. आजूबाजूच्या गावांतूनही नागरिक बारामतीकडे दाखल होत असल्याने शहरात गर्दी वाढली होती. घटनास्थळी पोलीस बंदोबस्त तैनात करण्यात आला असून प्रशासनाकडून नागरिकांना संयम राखण्याचे आवाहन करण्यात आले आहे.