Ajit Pawar : राज्याचे उपमुख्यमंत्री अजित पवार यांच्या अपघाती निधनामुळे संपूर्ण महाराष्ट्रावर दु: खाचा डोंगर कोसळला आहे. मुंबईहून बारामतीकडे येणाऱ्या खासगी चार्टर्ड विमानाचे लँडिंगदरम्यान नियंत्रण सुटल्याने हे विमान थेट शेतात कोसळले आणि काही क्षणांतच भीषण स्फोट झाला. ज्यात अजित पवार (Ajit Pawar) यांच्यासह विमानात असलेले पर्सनल सिक्युरिटी ऑफिसर एचसी विदिप जाधव, पायलट कॅप्टन सुमित कपूर, कॅप्टन शांभवी पाठक आणि फ्लाइट अटेंडंट पिंकी माळी यांचाही मृत्यू झाला आहे. या अपघातानंतर नवी दिल्लीत असलेल्या शरद पवारांनी थेट बारामती गाठली. त्यानंतर त्यांनी अपघात झाला तेथील घटनास्थळी जाऊन संपूर्ण प्रकरणाची माहिती घेतली. शरद पवारांनी घेतली अपघाताची माहिती शरद पवार यांच्यासोबत प्रतिभा पवार या देखील होत्या. हॅलिकाॅप्टरमधून उतरताच शरद पवारांनी नेमका अपघात कसा घडला, याची माहिती घेतली. शरद पवार बारामती विमानतळावर पोहोचताच ‘अजितचं विमान कसं आणि कुठे कोसळलं’ असा प्रश्न त्यांनी विचारला. Ajit Pawar And Sharad Pawar त्यावर रन वे ज्या ठिकाणी संपतो त्याच्या आधी एक किमी विमानाचा अपघात झाला. त्या ठिकाणी असलेल्या बाजूच्या खोलगट भागात हा अपघात झाल्याची माहिती शरद पवारांना देण्यात आलं. अपघाताची माहिती घेतल्यानंतर शरद पवार रुग्णालयाकडे रवाना झाले. शरद पवार यावेळी काहीसे भावुक झाल्याचं दिसून आलं. यावेळी सुप्रिया सुळे आणि सुनेत्रा पवार यांच्या अश्रूचा बांध फुटल्याचं दिसून आलं. या दुर्दैवी घटनेनं पवार कुटुंबावरही दु:खाचा डोंगर कोसळलायं. अपघात नेमका कसा झाला? 1. सकाळी 8.10 मिनिटं – मुंबईतून लियरजेट 45 XR विमानाचं उपमुख्यमंत्री अजित पवारांचं बारामतीकडे उड्डाण झालं. त्यामध्ये अजितदादांसह पाच जणांचा समावेश होता. 2. सकाळी 8.40 मिनिटं – विमान बारामती एअरस्ट्रीपच्या अगदी जवळ होतं, त्यावेळी विमानात काही तांत्रिक बिघाड झाला. 3. सकाळी 8.46 मिनिटं- तांत्रिक बिघाडामुळे वैमानिकाचं विमानावरचं नियंत्रण सुटलं आणि बारामतीतील गोजुबावी परिसरातील शेतात विमान कोसळलं. त्यामध्ये अजित पवारांसह सर्व जणांचा मृत्यू झाला. Sunetra Pawar : बारामतीत दाखल होताच सुनेत्रा पवार यांच्या अश्रूंचा बांध फुटला ; सुप्रिया सुळेंनाही अश्रू अनावर