Ajit Pawar : महाराष्ट्राचे रुबाबदार नेते आणि उपमुख्यमंत्री अजित पवार यांचे आज सकाळी साडे आठच्या सुमारास विमान अपघातात निधन झाले आहे. विमान बारामतीत लँडिंगदरम्यान भीषण अपघातात कोसळले. जिल्हा परिषद निवडणुकीच्या प्रचारासाठी ते बारामती दौऱ्यावर जात होते. मुंबईहून सकाळी निघालेले हे चार्टर विमान बारामती विमानतळाआधीच एका शेतात क्रॅश झाले. या दुर्घटनेत अजित पवारांसह विमानातील सर्व सहा जणांचा मृत्यू झाला. बारामतीत सध्या हालचालींना वेग आला आहे. शरद पवार हे बारामतीतील रुग्णालयाच्या दिशेने रवाना होत असून परिस्थितीची माहिती घेत आहेत. दरम्यान प्रतिभा पवार या देखील रुग्णालयात दाखल होत आहेत. रुग्णालय परिसरात नागरिक, कार्यकर्ते आणि समर्थकांची मोठी गर्दी जमू लागली आहे. अजित पवारांच्या पार्थिवावर उद्या अत्यसंस्कार होणार असल्याचं सांगण्यात आलं आहे. सध्या रुग्णालयाबाहरे हजारोंचा समुदाय दाखल झालाय. ही बातमी वाचा :Ajit Pawar Death : ‘महाराष्ट्राला, बारामतीला अजूनही तुमची गरज होती…’; अजित पवारांच्या निधनानंतर चंद्रकांत पाटलांकडून दु:ख व्यक्त ‘दादा… परत या’ असा अक्रोश कार्यकर्ते करताना पहायला मिळताय. आमचा जबाबदार माणूस गेला असून आमचं अस्तित्व संपलं आहे, अशा भावना व्यक्त करत कार्यकर्ते अश्रूंना वाट मोकळी करून देत आहेत. रुग्णालय परिसरात तणावपूर्ण शांतता असून पोलीस बंदोबस्त तैनात आहे. घडामोडींवर प्रशासन लक्ष ठेवून आहे आणि परिस्थिती नियंत्रणात ठेवण्यासाठी प्रयत्न सुरू आहेत. तालुक्यातील विविध गावांमध्ये सर्व व्यवहार बंद ठेवण्यात येत आहेत. दुकाने, बाजारपेठा आणि व्यावसायिक आस्थापने स्वयंस्फूर्तीने बंद राहिल्याने परिसरात शांतता जाणवत आहे. नागरिकांमध्ये हळहळ व्यक्त होत असून अनेक ठिकाणी शोकसभा आणि श्रद्धांजली कार्यक्रम सुरू आहेत. अनेक राजकीय नेते देखील बारामतीत दाखल होत आहेत. त्यांच्या अचानक जाण्याने संपूर्ण महाराष्ट्राला मोठा धक्का बसला आहे. हे देखील वाचा : Ajit Pawar: “राजकारणात वेगळा मार्ग स्वीकारला, तरी त्यांनी संबंध तुटू दिले नाहीत,”; दादांच्या निधनानंतर उद्धव ठाकरेंची भावुक पोस्ट