Ajit Pawar Plane Crash : मन सुन्न करणारी एक बातमी आज सकाळी समोर आली आहे. उपमुख्यमंत्री अजित पवार यांचा विमान अपघातात मृत्यू झाला आहे. या बातमीमुळे संपूर्ण महाराष्ट्रावर शोककळा पसरली आहे. बारामती विमानतळावर लँडिंग दरम्यान भीषण अपघात झाला आहे. डीजीसीएने दिलेल्या प्राथमिक माहितीनुसार, या भीषण क्रॅश लँडिंगमध्ये विमानातील कोणीही वाचू शकलेले नाही. विमानातील पाचही जणांचा या दुर्घटनेत मृत्यू झाल्याचे सांगण्यात येत आहे. आगामी जिल्हा परिषद आणि पंचायत समिती निवडणुकांच्या प्रचारासाठी अजित पवार आज आपल्या बालेकिल्ल्यात म्हणजेच बारामतीच्या दौऱ्यावर होते. आज दिवसभरात त्यांच्या चार भव्य सभांचे आयोजन करण्यात आले होते. या नियोजित दौऱ्यासाठी ते सकाळी विमानाने बारामतीला पोहोचले. मात्र, विमानतळावर उतरत असताना लँडिंग दरम्यान हा भीषण अपघात झाला. दोन क्रू मेंबर्स, मुख्य पायलट आणि सह-पायलट यांचा समावेश नागरी विमान वाहतूक महासंचालनालयाने दिलेल्या प्राथमिक माहितीनुसार, बारामती येथे झालेल्या विमान अपघातात अजित पवार यांच्यासोबत त्यांचे एक पी.एस.ओ. आणि एक सहाय्यक प्रवास करत होते. विमानाचे नियंत्रण करण्यासाठी दोन क्रू मेंबर्स, ज्यात मुख्य पायलट आणि सह-पायलट यांचा समावेश होता. उपमुख्यमंत्री अजित पवार, विदीप जाधव, पिंकी माळी, कॅप्टन सुमित कपूर, कॅप्टन शांभवी पाठक अशी मृतांची नावे आहेत. दरम्यान, विमान धावपट्टीवर उतरत असतानाच ही दुर्घटना घडली. विमान कोसळताच त्याने पेट घेतल्याने ते संपूर्ण जळून खाक झाले. Ananya Panday: ‘2026 मध्ये नजर लागली’… अनन्या पांडेने मिरर सेल्फीतून दाखवली दुखापत, वॅनिटी व्हॅनमधला फोटो व्हायरल