Ajit Pawar : राज्याचे उपमुख्यमंत्री अजित पवार यांचे आज बारामतीमध्ये विमान अपघातात निधन झाले. आज सकाळी बारामती दौऱ्यासाठी निघताना अजित पवार यांच्या विमानाचा लँडिंग होताना भीषण अपघात झाला. विमान लँडिग होतानाच अपघातग्रस्त झाले. त्यांच्या निधनाच्या बातमीने सर्वांनाच धक्का बसला आहे. दरम्यान , त्यांच्या निधनाची बातमी समजताच राज्य शासनाकडून आज नियोजित असलेले सर्व शासकीय कार्यक्रम तात्काळ रद्द करण्यात आले आहे. बदललेल्या परिस्थितीच्या पार्श्वभूमीवर हा निर्णय घेण्यात आला असून प्रशासन सतर्क अवस्थेत आहे. हे देखील वाचा… Ajit Pawar plane crash: बारामतीत तणावाचे वातावरण; अजित पवार यांच्या विमान अपघाताच्या बातमीने कार्यकर्ते घाय मोकलून रडू लागले महाराष्ट्राचे मुख्यमंत्री देवेंद्र फडणवीस हे स्वतः बारामतीकडे रवाना होत असून परिस्थितीचा प्रत्यक्ष आढावा घेणार आहेत. संबंधित यंत्रणांना आवश्यक त्या सूचना देण्यात येत असून पुढील निर्णय परिस्थितीचा आढावा घेतल्यानंतर घेतले जाणार असल्याचे सूत्रांकडून सांगितले जात आहे. नेमकं काय घडलं? आज अजित पवार यांचा बारामती दौरा होता. या बारामती दौऱ्यासाठी आज सकाळी बारामतीसाठी त्यांनी प्रस्थान केलं होतं. बारामतीमध्ये विमान लाँडिंग होत असतानाच विमानामध्ये तांत्रिक बिघाड झाल्याने अपघातग्रस्त झाले. विमानामध्ये अजित पवार यांच्यासह पाच जण होते. त्या सर्वाचा मृत्यू झाला.