Ajit Pawar : महाराष्ट्राचे उपमुख्यमंत्री आणि राष्ट्रवादी काँग्रेस पक्षाचे प्रमुख अजित पवार (Ajit Pawar) यांचे आज सकाळी बारामतीजवळ विमान अपघातात दुःखद निधन झाले. ६६ वर्षांच्या या कणखर नेत्याने आपल्या राजकीय जीवनात तब्बल ६ वेळा उपमुख्यमंत्री पदाची शपथ घेतली होती. त्यांच्या जन्मापासून मृत्यूपर्यंतचा कालावधीही ६६ वर्षे, ६ महिने आणि ६ दिवस असा असल्याने सोशल मीडियावर ‘६’ या अंकाचा हा दुर्दैवी योगायोग व्हायरल होत आहे. नेटकऱ्यांनी याला नियतीचा खेळ म्हणून भावूक प्रतिक्रिया दिल्या आहेत. प्रशासकीय क्षेत्रातील ‘शब्दाचा पक्का’ नेता अजित पवार यांना ‘शब्दाचा पक्का माणूस’, शिस्तबद्ध आणि वेगवान कामकाजासाठी ओळखले जायचे. एखादी प्रशासकीय फाईल समोर आली की त्वरित निर्णय घेणे, त्याची अंमलबजावणी शेवटच्या स्तरापर्यंत होते की नाही यावर कटाक्ष ठेवणे, हे त्यांचे वैशिष्ट्य होते. पहाटेपासून रात्री उशिरापर्यंत काम करण्याची त्यांची सवय होती. बारामती आणि पिंपरी-चिंचवडसह पुणे जिल्ह्याच्या विकासापासून ते राज्याच्या कारभारापर्यंत त्यांचे योगदान अतुलनीय राहिले. सत्ताधारी असो वा विरोधक, सर्वांशी राजकीय मैत्री राखणारे ते नेते होते. Ajit Pawar अपघाताची घटना आणि तपशील अजित पवार हे मुंबईहून VSR कंपनीच्या खासगी Bombardier Learjet 45 विमानाने (रजिस्ट्रेशन VT-SSK) बारामतीकडे जिल्हा परिषद निवडणुकीच्या प्रचारासाठी निघाले होते. विमानाने सकाळी सुमारे ८:१० वाजता मुंबईतून उड्डाण केले. बारामती विमानतळावर ८:५० च्या सुमारास लँडिंगचा प्रयत्न करताना विमान रनवेवरून बाजूला गेले, क्रॅश झाले आणि भीषण आग लागली. विमान पूर्णपणे जळून खाक झाले. या अपघातात विमानातील सर्व पाच जणांचा मृत्यू झाला.मृतांमध्ये – अजित पवार (उपमुख्यमंत्री) – विदिप जाधव (खासगी सुरक्षा रक्षक) – पिंकी माळी (फ्लाइट अटेंडंट) – कॅप्टन सुमित कपूर (पायलट) – कॅप्टन शांभवी पाठक (को-पायलट) यांचा समावेश होता. प्राथमिक माहितीनुसार, विमान दुसऱ्यांदा लँडिंगचा प्रयत्न करत असताना हा अपघात झाला. Aircraft Accident Investigation Bureau (AAIB) ने तपास सुरू केला असून, विमान १६ वर्षे जुने असल्याचे सांगितले जात आहे. अजित पवार फक्त राजकारणी नव्हते, तर प्रशासनावर पकड असलेले कणखर नेते होते. त्यांच्या आठवणी, संघर्ष आणि नेतृत्व जनतेच्या मनात कायम अजरामर राहील. ‘६’ चा हा योगायोग असो वा नियतीचा खेळ, अजितदादांच्या जाण्याने महाराष्ट्राला मोठा धक्का बसला आहे. हे पण वाचा : Ajit Pawar : शब्दाला जागणारं नेतृत्व..! अजित दादांचा 35 वर्षांचा राजकीय प्रवास