Ajinkya Rahane Half Century : अजिंक्य रहाणे बऱ्याच दिवसांपासून टीम इंडियातून बाहेर आहे. गेल्या वर्षी जुलैमध्ये त्याने शेवटची कसोटी खेळली होती. शेवटचा वनडे 2018 मध्ये खेळला गेला होता. पण दरम्यानच्या काळात रहाणे त्याच्या दमदार कामगिरीमुळे सोशल मीडियावर ट्रेंड झाला. तो इंग्लंडची देशांतर्गत स्पर्धा वन-डे चषक खेळत आहे. रहाणेने या स्पर्धेत लेस्टरशायरकडून खेळताना अर्धशतक झळकावले आहे. या खेळीच्या जोरावर संघाने 370 धावांचे लक्ष्य ठेवले आहे.
WELL PLAYED, AJINKYA RAHANE…!!!!
– 71 runs from just 60 balls including 9 fours for Leicestershire in the first match of the One Day Cup 2024. 👌🌟 pic.twitter.com/13ettTP3Yg
— Johns. (@CricCrazyJohns) July 24, 2024
वन-डे चषक 2024 च्या ‘ब’ गटातील लीसेस्टरशायर आणि नॉटिंगहॅमशायर यांच्यात सामना खेळला जात आहे. या सामन्यात लीसेस्टरशायरने प्रथम फलंदाजी करताना 50 षटकांत 6 गडी गमावून 369 धावा केल्या. रहाणे संघाकडून चौथ्या क्रमांकावर फलंदाजीला आला. त्याने 60 चेंडूंचा सामना करत 71 धावा केल्या. रहाणेच्या खेळीत 9 चौकारांचा समावेश होता. तर लुईस हिलने 81 धावांची दमदार खेळी केली. या खेळीनंतर रहाणे सोशल मीडियावर ट्रेंड करू लागला आहे.
3⃣6⃣9⃣ 𝗢𝗡 𝗧𝗛𝗘 𝗕𝗢𝗔𝗥𝗗! 💥
🦊 Lewis Hill (81)
🦊 Sol Budinger (75)
🦊 Ajinkya Rahane (71)A 𝗕𝗥𝗨𝗧𝗔𝗟 batting display from the Foxes. 💪💪 pic.twitter.com/oSeWgCSxt0
— Leicestershire Foxes 🦊 (@leicsccc) July 24, 2024
भारताकडून 6 वर्षांपूर्वी खेळलेला शेवटचा वनडे…
रहाणे हा टीम इंडियाचा दमदार आणि दिग्गज खेळाडू आहे. मात्र तो बराच काळ एकदिवसीय आणि टी-20 संघातून बाहेर आहे. रहाणेने भारतासाठी शेवटचा वनडे 2018 मध्ये तर शेवटचा टी-20 सामना 2016 मध्ये खेळला गेला होता. रहाणेने टीम इंडियासाठी 20 टी-20 सामन्यात 375 धावा केल्या आहेत. त्याने 90 एकदिवसीय सामन्यांमध्ये 2 हजार 962 धावा केल्या आहेत. त्याने 85 कसोटी सामनेही खेळले आहेत. रहाणेने गेल्या वर्षी भारतासाठी शेवटची कसोटी खेळली होती.
आयपीएलमध्येही केली ए चांगली कामगिरी…
रहाणेचा आयपीएलमध्ये चांगला रेकॉर्ड आहे. गेल्या मोसमात तो चेन्नई सुपर किंग्जकडून खेळला होता. रहाणेने 185 आयपीएल सामने खेळले आहेत. या कालावधीत 4642 धावा केल्या आहेत. या कालावधीत त्याने 2 शतके आणि 30 अर्धशतके केली आहेत.
