नवी दिल्ली – राफेल विमान आज प्रत्येक सामान्य माणसाला माहित आहे. लोकसभा निवडणुकीत काँग्रेस अध्यक्ष राहुल गांधी यांनी राफेल करारावरून चांगलीच प्रचाराची राळ उठवली होती. चौकीदार चोर है च्या घोषणाही चांगल्याच गाजल्या होत्या. अशातच आता दिल्लीस्थित काँग्रेस मुख्यालयासमोर राफेल विमानाची प्रतिकृती लावण्यात आली आहे.
दिल्लीमधील २४ अकबर रस्त्यावर काँग्रेस पक्षाचे मुख्यालय आहे. त्याच्याजवळच हवाई दलप्रमुख बी.एस. धानोआ यांचे निवासस्थान आहे. धानोआ यांच्या निवासस्थानबाहेर राफेल विमानाची प्रतिकृती लावण्यात आली आहे. यामुळे हे ठिकाण दिल्लीकरांचे आकर्षणाचे केंद्र बनले आहे.
Replica of Rafale jet erected outside Air Chief Marshal BS Dhanoa’s residence in Delhi. His residence is next to Congress Headquarters. pic.twitter.com/Icoo63G2At
— ANI (@ANI) May 31, 2019
दैनिक प्रभातचे फेसबुक पेज लाईक करा
दरम्यान, राहुल गांधी यांनी पंतप्रधान नरेंद्र मोदींवर राफेल करारात घोटाळा केल्याचा आरोप केला होता. संपूर्ण निवडणुकीत राफेल कराराचा मुद्दा काँग्रेस प्रचाराच्या केंद्रस्थानी राहिला. परंतु, राफेल मुद्दा काँग्रेसला चांगलाच महागात पडला. अनेक राज्यांमध्ये काँग्रेसला पराभवाचा सामना करावा लागला आहे.
