मुंबई – संपूर्ण देश राम चरण आणि ज्युनियर एनटीआर यांच्या ‘आरआरआर’ चित्रपटाच्या यशाचा आनंद साजरा करत आहे. या ऐतिहासिक चित्रपटातील ‘नाटु नाटु’ या गाण्याला गोल्डन ग्लोब पुरस्कार 2023 मध्ये सर्वोत्कृष्ट ओरिजनल गाण्याचा पुरस्कार मिळाला आहे. या लोकप्रिय तेलुगू चित्रपटाच्या गाण्याने अनेक हॉलिवूड गाण्यांना मागे टाकत हे नामांकन पटकावले.यानंतर पंतप्रधान नरेंद्र मोदींनी देखील चित्रपटाच्या सर्व टीमचे कौतुक केले आहे.
‘RRR’च्या या आंतरराष्ट्रीय यशानंतर सोशल मीडियावर ट्विटचा पूर आला. साऊथसह बॉलिवूडमधील अनेक बड्या स्टार्सने चित्रपटाच्या या यशाबद्दल दिग्दर्शक राजामौली यांचयवर कौतुकाचा वर्षाव केला आहे. गोल्डन ग्लोब अवॉर्ड्सचा 80 वा सोहळा अमेरिकेतील कॅलिफोर्नियातील बेव्हरली हिल्स येथील बेव्हरली हिल्टन येथे पार पडला. या सोहळ्यात आर आर आरचा बोलबाला पाहायला मिळाला. अवॉर्ड पटकावल्यानंतरचा संपूर्ण टीमचा एक व्हिडीओ देखील सोशल मीडियावर व्हायरल होतोय. ज्यामध्ये अवॉर्ड घोषित होताच चित्रपटाचे दिग्दर्शक आणि कलाकार अवॉर्डचे स्वागत करताना दिसत आहे. पंतप्रधान नरेंद्र मोदी यांनीही ‘RRR’च्या संपूर्ण टीमचे अभिनंदन केले आहे आणि हा भारतासाठी अभिमानाचा क्षण असल्याचे म्हंटले आहे. तसेच अवॉर्ड दरम्यानचा व्हिडीओ देखील पंतप्रधान मोदींनी ट्विट केला आहे.
A very special accomplishment! Compliments to @mmkeeravaani, Prem Rakshith, Kaala Bhairava, Chandrabose, @Rahulsipligunj. I also congratulate @ssrajamouli, @tarak9999, @AlwaysRamCharan and the entire team of @RRRMovie. This prestigious honour has made every Indian very proud. https://t.co/zYRLCCeGdE
— Narendra Modi (@narendramodi) January 11, 2023
बाहुबली फेम एस एस राजामौली यांचा आर आर आर हा सिनेमा साऊथ इंडस्ट्रीमधील सर्वात बिग बजेट चित्रपट होता. बाहुबलीनंतर राजामौली यांनी पुन्हा एकदा ऐतिहासिक चित्रपटाची निर्मिती करत अजय देवगण,राम चरण,एनटीआर अशी तगडी स्टारकास्ट मोठ्या पडद्यावर एकत्र आणली होती. त्यामुळेच सर्वत्र आर आर आरचा बोलबाला पाहायला मिळाला होता. ऑस्कर यादीत देखील स्थान पटकावल्यानंतर आता या चित्रपटाने गोल्डन अवॉर्डवर देखील आपली मोहर उमटवली आहे.
