नवी दिल्ली : भारत आणि चीनमध्ये झालेल्या संघर्षानंतर दोन्ही देशांमध्ये आता चर्चा होणार असल्याचे सांगण्यात येत आहे. भारतीय लष्करानेच यासंबंधी माहिती दिली असल्याचे एका वृत्तसंस्थेने म्हटले आहे. विशेष म्हणजे ही चर्चा सीमापार चीनच्या भूमीत होत आहे.
India and China to hold Corps Commander-level meeting at Moldo on the Chinese side of the Line of Actual Control opposite Chushul to discuss the ongoing dispute in Ladakh: Indian Army Sources pic.twitter.com/P94dVF3DaN
— ANI (@ANI) June 22, 2020
भारत आणि चीनमध्ये गेल्या काही दिवसांपासून तणाव निर्माण झाला आहे. मागच्या सोमवारी गलवान खोऱ्यात झालेल्या संघर्षात २० भारतीय जवान शहीद झाले. त्यानंतर चीनची मुजोरी समोर आली होती. या संघर्षात चीनचीही मोठी जिवीतहानी झाली होती. तसेच भारतातही चीनविरोधी लाट उसळली होती. आता दोन्ही देशांमध्ये सीमेवरील तणाव कमी करण्यासाठी कमांडर पातळीवर चर्चा केली जात आहे.
भारतीय लष्कराच्या सूत्रांच्या हवाल्याने एका वृत्तसंस्थेने हे वृत्त दिले आहे. त्यात म्हटलंय की, “भारत आणि चीनमध्ये आता कमांडर पातळीवर चर्चा केली जात आहे. ही बैठक प्रत्यक्ष ताबारेषेच्या पलिकडे चीनच्या भूमीत मोल्डो येथे होत आहे. त्यात लडाखमधील संघर्षाबद्दल चर्चा केली जाणार आहे.”