मुंबई – मराठमोळी अभिनेत्री स्नेहलता वसईकर बिग बॉसमुळे घराघरात पोहचली. स्नेहलता सध्या कुटुंबियांसोबत सिंगापूरची ट्रिप एन्जॉय करत आहे. स्नेहलता सोशल मीडियावर चांगलीच सक्रिय असते. नुकतंच तिने आपल्या इंस्टाग्रामवरून बंजी जंपिंगचा थरारक अनुभव शेअर केला आहे.
खरं तर बंजी जंपिंग हा प्रकार धाडसी व्यक्तींसाठी असलयाचे समजले जाते. ज्यांना आयुष्यात नेहमीच काहीतरी हटके आणि थ्रिलिंग करायचे असते असे व्यक्ती बंजी जंपिंग ट्राय करतात. अभिनेत्री स्नेहलताने देखील असाच एक अनुभव सगळ्यांसोबत शेअर केला आहे.
स्नेहलता आपल्या पोस्टमध्ये म्हणते,” मी माझी पहिली बंजी जंप केली. कसं सांगू, आजवर अनेक संकटांना सामोरं गेले पण हा जो काही जंपिंगचा प्रकार आहे हा द्भूत आहे. खरचं 17 व्या मजल्यावरून जंप करण्यापूर्वी मनात अनेक विचार येऊन गेले. मला नाईटचा फोबिया आहे असं मला उगाच वाटायचं. खरतरं भिती उंचीची नाहीतर भिती उंचावरून खाली पडण्याची वाटते. ”
यावेळी जर दोरी सुटली तर?.मला काही झालं तर ? एवढ्या वर आले आहे पण जंप नाही झाली तर मुलगी काय विचार करेल ? असे असंख्य प्रश्न मनात येत होते असं अभिनेत्री सांगते. मात्र त्यानंतर मुलीचा आवाज आला ‘मम्मा यु कॅन डू इट’ आणि उडी मारली. असा थरारक अनुभव अभिनेत्रीने सांगितलं आहे.
View this post on Instagram
स्नेहलता वसईकरने स्वराज्यरक्षक संभाजी या मालिकेत ‘सोयरा बाईसाहेब’ यांची भूमिका साकारली होती. त्यामुळे मराठी इंडस्ट्रीमध्ये तिचा चाहता वर्ग मोठा आहे. विशेष म्हणजे स्नेहलता मराठीसह हिंदी मालिकांमध्ये देखील काम करते.
