मुंबई – जेष्ठ बॉलिवूड अभिनेत्री शबाना आझमी यांच्या चारचाकी वाहनास आज मुंबई-पुणे द्रुतगती महामार्गावर अपघात झाला. याबाबत अधिक माहिती अशी की, अभिनेत्री शबाना आझमी यांचे चारचाकी वाहन (एमएच ०२ सीझेड ५३८५) व एका ट्र्क दरम्यान मुंबई-पुणे द्रुतगती महामार्गावरील खालापूर टोल नाक्याजवळ धडक झाली.
जखमी झालेल्या शबाना आझमी व वाहन चालकास तातडीने पनवेल येथील एमजीएम रुग्णालयात दाखल करण्यात आले असून यावेळी गाडीमध्ये जावेद अख्तर हे देखील होते मात्र त्यांना कोणतीही इजा झाली नाही अशी माहिती रायगड पोलिसांनी दिली आहे.