मुंबई – अभिनेत्री कंगना राणावत अनेक दिवसांपासून आपल्या आगामी ‘इमर्जन्सी’ या चित्रपटाच्या शूटिंगदरम्यान व्यस्त होती. इमर्जन्सी हा कंगनाचा महत्वकांक्षी प्रोजेक्ट आहे. यामध्ये कंगना माजी पंतप्रधान इंदिरा गांधींची भूमिका साकारत आहे. चित्रपटातील कंगनाचा लूक रिव्हील झाल्यानंतर चित्रपटाबाबतची उत्कंठा चांगलीच वाढली होती. कंगनाने चित्रपटाचे शूटिंग पूर्ण होताच एक खास पोस्ट शेअर केली आहे. ज्यामध्ये तिने चित्रपटाबाबतचे अनेक खुलासे केले आहेत.
अभिनयासोबतच कंगना या चित्रपटाची निर्मिती देखील करत आहे. यामुळे निर्मितीच्या खर्चासाठी आपली सर्व मालमत्ता गहाण टाकल्याचा खुलासा कंगनाने यावेळी केला आहे. याबाबतची पोस्ट देखील कंगनाने यावेळी शेअर केली आहे. चित्रपटाचे शूटिंग पूर्ण झाले असून माझ्या आयुष्यातील गौरवशाली टप्पा पूर्ण होत आला आहे. माझा हा प्रवास आरामदायी वाटत असला तरी ते सत्य नाही असं कंगना म्हणते.
माझी सर्व मालमत्ता गहाण ठेवण्यापासून,मला डेंग्यूचे निदान होणे तरीही मी शूटिंग करणे अशा अनेक परीक्षांचा सामना करावा लागल्याचे कंगनाने म्हंटले आहे. तुमची स्वप्ने पूर्ण करण्यासाठी कठोर परिश्रम कामी येतात असं तुमाला वाटत असेल तर तस नाही परंतु क्षमतेबाहेर जाऊन न खचता प्रयत्न करत रहा असंही कंगना म्हणते. चित्रपटाचे शूटिंग पूर्ण होताच कंगनाने सोशल मीडियावर एक भली मोठी पोस्ट करून आपल्या सर्व भावना व्यक्त केल्या आहेत.
View this post on Instagram
‘इमर्जन्सी’ हा दिवंगत पंतप्रधान इंदिरा गांधी यांच्या जीवनावर आधारित चित्रपट आहे. चित्रपटात अभिनयासोबतच कंगनाने दिग्दर्शनाची सुद्धा जबाबदारी सांभाळली आहे. हा चित्रपट 25 जून 2023 रोजी प्रदर्शित होणार आहे.कंगना व्यतिरिक्त चित्रपटात अनुपम खेर,श्रेयस तळपदे,मिलिंद सोमण अशी दिग्गज अभिनेत्यांची फौज आहे.