अमेरिकेतील संशोधनानुसार हवेतून होतोय कोरोनाचा प्रसार; अशी घ्या काळजी

वॉशिग्टन : कोरोना संसर्गाने संपूर्ण जगात धुमाकूळ घातला आहे. भारतातही मोठ्या प्रमाणात संसर्ग वाढला आहे. याला थोपवण्यासाठी लॉकडाऊन, लसीकरण इत्यादी प्रयत्न सुरू आहेत. संसर्गबाधित रुग्णाच्या सहवासात आल्यास कोरोनाचा संसर्ग होतो असे तज्ज्ञानचे मत आहे. त्यातच आता हवेद्वारे देखील संसर्ग पसरत असल्याचा दावा अमेरिकेतील संशोधकांनी केला आहे.

त्यानुसार आपण ज्या वेळी बोलतो त्यावेळी आपल्या तोंडावाटे निघणाऱ्या सूक्ष्म द्रव्य कणांमुळे कोरोनाचा प्रसार होत असल्याचा दावा अमेरिकेच्या सेंटर फॉर डिसिज कन्ट्रोल अॅन्ड प्रिवेन्शन अर्थात  CDC ने केला आहे. आपल्या तोंडावाटे अत्यंत सूक्ष्म असे द्रव्य कण बाहेर पडतात आणि ते हवेत मिसळतात किंवा जवळच्या पृष्ठभागावर बसतात. नंतर त्या सूक्ष्म द्रव्य कणांच्या माध्यमातून कोरोनाचा प्रसार होतो असा दावा  CDC ने केला आहे.

CDC ने शुक्रवारी नव्या मार्गदर्शक सूचना जारी केल्या. त्यामध्ये सांगण्यात आलं आहे की, आपण बोलताना आपल्या तोंडावाटे निघणाऱ्या सूक्ष्म द्रव्य कणांच्या मार्फत कोरोनाचा प्रसार होत असल्याचं स्पष्ट झालंय. तोंडावाटे निघणारे मोठे द्रव्य कण हे काही सेकंद ते मिनीटे हवेत राहतात आणि नंतर नष्ट होतात. पण सूक्ष्म कणांचं वेगळं आहे. ते काही मिनीटे ते काही तास हवेमध्ये वा पृष्ठभागावर राहतात. त्यामुळे सूक्ष्म कणांपासून कोरोनाचा प्रसार होण्याचा धोका वाढतो.

द लॅन्सेन्टच्या दाव्याला पृष्टी
कोरोना अर्थात  SARS-CoV-2 व्हायरस हा हवेतून पसरत असल्याचं प्रबळ पुराव्यातून सिद्ध झालं असल्याचं संशोधन गेल्या महिन्यात ‘द लॅन्सेट’ या सायन्स नियतकालिकेत प्रसिद्ध करण्यात आलं होतं.  कोरोना हवेतून परसतोय आणि त्याचे सातत्याने पुरावे संशोधकांना मिळत आहेत असं त्याच्या एका निवेदनात सांगण्यात आलं होतं. आता अमेरिकेच्या सीडीसीच्या दाव्याने द लॅन्सेटच्या या मताला पुष्टी मिळाली आहे.

त्यामुळे अत्यावश्यक कामाशिवाय घराबाहेर पडणे टाळावे, सोशल डिस्टनसींग, मास्क या नियमांचे पालन करावे. इतरांच्या संपर्कात येणे टाळणे.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Comments are closed.