चेन्नई : चेन्नईमध्ये रेल्वे प्रवाशांसाठी एक मोठी दिलासादायक बातमी आली आहे. आता दक्षिण रेल्वेने शनिवारी चेन्नई बीच ते चेंगलपट्टू-तांबरम दरम्यान पहिली एसी लोकल ट्रेन (एसी ईएमयू) सुरू केली. शहराची जीवनरेखा म्हटल्या जाणाऱ्या चेन्नईच्या उपनगरीय रेल्वे नेटवर्कमध्ये ही ट्रेन एक मोठा बदल मानली जाते. तथापि, ही रेल्वे सेवा रविवारी बंद राहील.
या संदर्भात, रेल्वेचे म्हणणे आहे की, या सेवेचा उद्देश उन्हाळ्यात प्रवाशांना आरामदायी प्रवास प्रदान करणे आहे; ही ट्रेन विशेषतः ऑफिसला जाणारे आणि महिला प्रवाशांसाठी खूप फायदेशीर ठरेल. या ट्रेनच्या खास वैशिष्ट्यांबद्दल सांगायाचे झाले तर त्यात स्वयंचलित दरवाजे, प्रवासी माहिती प्रणाली (डिजिटल बोर्ड), सीसीटीव्ही कॅमेरे, स्वच्छ आणि सुरक्षित कोच तसेच चांगले वायुवीजन आणि प्रवेश/निर्गमन बिंदू यासारख्या गोष्टींचा समावेश आहे.
या ट्रेनमध्ये, प्रवाशांना किमान ३५ रुपयांत १० किलोमीटरपर्यंत प्रवास करता येईल. कमाल भाडे १०५ रुपयांपर्यंत आहे, ज्यासाठी प्रवासी ५६-६० किलोमीटरपर्यंत प्रवास करू शकतील. यासाठी प्रवाशाला मासिक पाससाठी अंतरानुसार ६२० ते २११५ रुपये खर्च करावे लागतील.
